استضاف برنامج خط السته قبل قليل صاحب السمو الملكي الامير / فيصل بن تركي بن ناصر
رئيس نادي النصر
تحدث عن عده نقاط تخص النادي وابرز ماجاز فيها
- انا رئيس النصر ثلاث سنوات ونصف قابله للتجديد ان شاء الله
- الجمهور حاط ثقته فيني
- بعض الاعلاميين المرتزقه كانو يحلمون باقالتي
- نحترم القرار ولن نستأنف
- لايوجد في التقرير اي تسجيل لكلام بذئ مع الحكم .. بالنسبه لرجل الامن ماكنت اعرف انه من رجال الامن واعتذرت له في نفس اليوم
- لو كان فيه عقوبات ضد الاعلاميين كان صرنا بلا تعصب
- فيه تصريح شهير عن لسته الرشاوي المنسوب لمحمد بن فيصل وماسمعنا عن تحقيق فيه وماسمعنا عن تحقيق ولا عقوبه والاعلام لم يتجرأ ان يكتب شي ..
- لجنه الانضباط وينها عن عبدالرحمن بن مساعد لما قال تعمدت ايقاف رادوي علشان يوقفون الهلال
- حنا نحترم القرارات وان شاء الله تطبق مستقبلا
- ماقرأت مقال خلف الحربي ومااقدر اعلق عليه
- جميعنا يتذكر موضوع حسام والمنشطات .. قدمنا خطاب للامير سلطان ٢٢ ابريل باستعادة حقوقنا بعد براءه حسام .. وسفهونا .. الحقناه بخطاب اخر .. وسفهونا .. ومع بدايه الموسم تابعنا الموضوع ووجه الامير سلطان بالاجتماع مع عبدالهادي وممثل عن اللجنه في نادي النصر ... وجانا تعمي ان كان فيه قضايا ماحلت .. ترفع للجنه الاستئناف او تتحول لمحكمه التحكيم الرياضي
- ارسلت لكم الاوراق .. من ٢٠ سبتمبر ارسلت للجنه المنشطات وماردو علينا للان ..
- قدامكم نماذج .. اول نموذج لتحليل حصل في ماليزيا .. اختاور من عندنا حسام غالي واحمد عباس ... وجت عينه حسام ايجابيه .. ومن الفريق الاخر الهلال كان فيه لاعبين .. وحده من العينات من لاعبينهم ايجابيه .. اسم الماده ( ستيرويد ) واوقف فيها بن جونسون وغير ذاتيه المنشأ .. وكلهم بنفس التواريخ ..
- انا اتساءل .. بما ان هذا ملف من الاتحاد السعودي .. ومن لجنه المنشطات .. وارسل من المعمل من ماليزيا .. لماذا لم يكشفو عن اللاعب الهلالي او من اي نادي ؟ ..
- لم ارد ان افضح في وقتها لسمعه الكره السعوديه .. ولكن اظهرتها الان كجزء بسيط لمناشدة الامير سلطان بن فهد لفتح تحقيق عاجل في الموضوع بدون حضور اي احد من لجنه المنشطات
- صبرت هالمده حفاظا على سمعه الكره السعوديه .. وكان عندنا موضوع في الاتحاد السعودي للمطالبه بحقوقنا .. ولما طفح الكيل اظهرتها .. واسألو اللجان كيف حصلت عليها ..
بعد استعراض الاوراق والاثباتات
-عاصم يقول الومك يابوتركي ليه توك تتكلم ؟ .. كل شي واضح .. قدامي عينتين كلهم ايجابيه .. رقمين مختلفين ونفس التاريخ
- كحيلان يرد .. غيرتي ع الوطن خلتني اصمت بس ماعاد ينفع الصمت ..
- الطريقي تساءل عن اشكاليه في التواريخ مافهمها .. وابو تركي قال الان بشرح لك .. لكن مقدم البرنامج قال الصوت فيه مشكله فاصل ونرجع بعد اصلاح الصوت ..
- الطريقي يقول ماني فاهم في مشكله بالتواريخ .. قال ابو تركي هذي كلها في باكج واحد راحت سوا ورجعت سوا ..
- ابو زايد يقول انت الحين تقول ان راحت ٤ عينات راحت للمنشطات . ورجعت عينتين ايجابيه .. قال كحيلان ايه
وكحيلان يعلن بقوه :
الاوراق سترفع للمحكمة الدوليه .. وعندي اوراق ستظهر في وقتها
كحيلان يفجرها :
- بنطالب بتحقيق سعودي .. واذا مااعجبنا التحقيق .. بنرفعها لفوووق
- حسام برئ .. وانضرينا ماديا وفسخنا عقده .. وطالبناهم بحقوقنا .. وحسام طالب بتعويض عن عقده .. وحنا نفذ صبرنا وطفح الكيل .. ولما تحدثنا عن اللجان كنت اعرف هالمعلومه
ولازلت اكرر عندي اوراق على بعض اللجان .. لكن الله يهديهم ويكون فيهم خير ..( تهديد بفضح مستقبلي )
مداخله الدكتور صالح القمباز رئيس لجنه المنشطات :
- نرحب بأي تحقيق يتم .. ونحن متأكدين من اوراقنا وامامي الارقام الاربعه والاوراق الاربعه ومايطابق الرقم اللي عندكم ..
- الرقم الاول مطابق .. لكن الثاني لم يكن مطابق .. والمعمل تم اغلاقه لان كان فيه تسريب من المعمل في المستندات .. واحنا مانتعامل بهالاوراق .. نتعامل بشهادات .. والشهاده قدامي وارقامهم متسلسله .. تقول ثلاث عينات سلبيه ومافيهم شي ووحده ايجابيه حقت حسام
- كحيلان ويكيليكس يقول كيف اللاعبين متسلسله ارقامهم ماعدا حسام ؟
- القمباز يقول الرقم المرسل هو رقم االعلبه اللي راحت .. واما الماده اللي ذكرتوها اوقفنا فيها لاعبين من القوى
- نرحب بأي تحقيق ... واي معمل مربوط الكترونيا بالوكاله الدوليه والاتحاد الدولي وللجنه المنشطات .. وكلهم بيعرفون النتيجه الايجابيه قبلنا .. واي تأخر في اشعارهم بالايقاف لمده شهر .. يرسل لنا استفسار لماذا لم يعاقب
- نرسل احيانا اكثر من اربع عينات ونرسلها في باكج مع بعض ... الاوراق اللي عرضتوها ماهي معترف فيها ومااطلعنا عليها وماندري وش هي ...
- التواريخ تتطابق مع عينات احيانا مالها علاقه فينا ... واحنا نرحب بأي تحقيق لان اجراءاتنا سليمه .. وموضوع حسام الوادا هو من حقق فيه
- كحيلان ويكيليكس يقول وانا ابي الحقيقه مااتهمت احد حتى الان ..
كحيلان ويكيليكس :
- القمباز يقول الارقام متسلسله حقت اللاعبين .. وش معنى رقم حسام اللي شاطح وينتهي غير متسلسل ؟
كحيلان ويكيلكس :
- نحترم الرئيس العام ونائبه .. والكل تحدث عن العقوبات والتصاريح ونسى الحكم ! ..حنا ندفع الملايين والحكم بياخذ الدوليه قريبا ..
- نظريه المؤامره ماكنت اؤمن فيها وانا في السفاره في امريكا .. لكن يوم جيت للنصر بديت اشك فيها ... لكن هل قبل فيصل بن تركي .. سلم عبدالرحمن بن سعود من هالتصريحات ؟ هل سلم خالد بن عبدالله او ممدوح ؟
- نتمنى يكون فيه رادع لبعض الكتاب والاعلاميين لكي لايسيئو لناس اتو ليدفعو ويخدمو الكره السعوديه
-
-----------
اتصال الوليد :
- لفت نظري القمباز لما قال ان اللي اتخذ القرار هم من الوادا .. وهذا كلام غير صحيح .. هم جتهم ورقه تقول ان الماده قد تكون ذاتيه المنشأ .. ولازم يكررون الكشف قبل اصدار اي عقوبه ... واللجنه تسرعت واوقفت اللاعب .. واللاعب راح هو نفسه وكشف وتمت تبرئته ... ساعتها اللجنه السعوديه طلبت الاحتكام الى الوادا والوادا قالت خلاص انا احكم ... لكن قبل كان الايقاف الاول من اللجنه السعوديه
- تم قرار الايقاف من قبل اللجنه مع انه كان المفروض يتم التحري خاصه بعد نتيجه المختبر انها ذاتيه المنشأ ..
- بالنسبه لكلام فيصل بن تركي فاجأني ببعض الحقائق .. القمباز يقول نقدر نرسل عشرين عينه .. طيب مهب مشكله .. لكن انتم ماارسلتو الا اربعه ورجعو اربعه .. ثنتين سلبيه وثنتين ايجابيه .. هنا السؤال
---------------
- الطريقي يقول يمكن غلطو وحطو معكم عينات مهب سعوديه خخخخخخ
- الدويش يسأل عن المطالبات الماليه ضد اداره النادي ... زينقا والسهلاوي والقحطاني وغيرهم .. فما تعليقك ؟
- كحيلان يقول المدرب اقلناه .. وبالنسبه للمطالبات الماديه .. والازمات الماديه توجد عند كل نادي لكن ماتوصل اننا ننوم لاعبينا في مسرح .. وكل امورنا بتنحل ولا راح يسجلون لنا لاعب الا وحنا مخلصين امورنا الماليه .
----------
- ماراح اعلن شي الحين .. اليوم خصيتكم بشي .. خلو شئ للقنوات الاخرى
تصريح ختامي لكحيلان :
- اشكر الجمهور وان شاء الله راح يكون سعيد قريبا جدا ان شاء الله ..