السلام عليكم ورحمة الله وبركاته
كيف حالكم وحشتوني من زمااااااااااااااااااااااااااان ماتصفحت المنتدى ولا كتبت ولا شاركت
اليوم جايبه لكم قصيده اعجبتني حيل حيل لانها فينا يالبنات :)
ياليت تعجبكم وياليت تكون عربون صداقه من جديد
بنت الشرف ، والعاقله ، والفهيمه ..
ما تترك اعيون الرجاجيل تحتال !!
خطواتها لا من مشت مستقيمه ..
ماهي بـ ( حيّه ) تضرب الجال والجال .!
في لبسها الأسود وقار وغنيمه ..
مثل ( البخور ) .. أسود مزايا تختال !!
تولد حشيمه وأن توّفت حشيمه ..
تحجب محاسنها عن العمّ والخال !!
غير ( أمها ) ما أحد ٍ لمسها عظيمه ..
ماكنّها إلا نجمة ٍ فوق الآطلال !!
في ذمتي تسوى ( لميس ، وحليمه ) ..
وتسوى بنات الجنز ، والكحل ، والشال !!
ما تلتفت لـ أهل الردى والنميمه ..
تمشي ثقه ما هزّها القيل والقال !!
مثل الزهور اللي ( بوادي نعيمه ) ..
ما قصها سيل المطر وأشهب اللآل !
وتبقى على ( عرش الشرف ) مستديمه ..
وتبقى على ( عرش الفخر ) بنت رجال !!