ياليل محتاجك ومحتاج صمتك
محتاج ليلك يحتظن غربة الروح
ودي ابعثر حلم فيه احترمتك
شفتك وطن هوجاس لآهات وجروح
أنت الذرى لاجيتني واغتنمتك
والخل نادالي وانا جيته وضوح
لبيت من نادى وما عاد نمتك
واعطيتك دروس الهوى ساعة البوح
لاغردوا عشاقك الليل قمتك
مدامني عاشق ولي منك مصلوح
اعلنت لك ياليل اني ظلمتك
واثرك وفي(ن) ساتر(ن) كل مفضوح
عطر المحبه في نسيمك ولمتك
وانت الوفا يسكن ضلوع(ن) بك تفوح
وانا نديمك واسهرك لاعدمتك
اسج مع نجمات ليلك ومسموح