يا قو قلبك تسج و تترك الجرح
مرتاح و النوم عن عيني حبسته
وا سعد عينك تنام و خاطرك شرح
و انا اتقلب على شوق(ن) حمسته
اعانق الليل و عيني ترقب الصرح
عرش(ن) بنيناه في شعري حرسته
لا تنشد القلب ويش يفيدك الشرح
لا تحسبَ ان الهوى شي(ن) درسته
الجمع ما يستوي مع قيمة الطرح
لو للجفا ثوب يمديني لبسته
ما همني لو تزيد بجرحي القرح
العشق لك زرع و انت اللي غرسته
الجرح جرحي و خابر طب هالجرح
الجرح يبرى ليا منك لمسته ..@