ان كان تطمح للعلا لا تقتدي باهل الطمان
خل النظر يم الثريا لا تلده للثرى
خلك مع اللي حاظرً وقت القسى مع الليان
يفدآه منهو لا زهمته راح بالخطوه ورى
لا صاح صايح ركب خيله دون سرج ولا عنان
يارد على سوق المنيه بين بيع ومشترى
ينطح طوآبير العدى مشهر لهم سيف اليمان
يوم الردي قفو بذوده فالضحى ولا درى
وللجار والخطار قلط ناهي الحيل السمان
هذآك فعله بالمراجل وآصلً قمة كرى
اتعب على مثله ترا ما يختلف طول الزمان
كب الردي اللي عيونه للخرابيط سهرى