وعليكم السلام ورحمة الله وبركاته . .
عتب بسيط لبعض الأعضاء من دون تحديد . .
حنا بمنتدى محترم يتابعه الصغير والكبير ومن مختلفي الأعمار مايصير
ميولنا الرياضيه تأثر وتخلينا نكتب اشياء ماترضى انه اخوك الصغير او اختك تقرأ زي كذا!!
حنا مانرضى بالتجريح بأي شخصيه رياضيه كيف نرضى بكلمات بذيئه اخلاقيا!!
حتى وان كانت في نادي معين مثل هالكلمات مايصير نكتبها علنا وتراني ما اقصد حمير
وثيران واقلبوا وجيهكم اللي تم تحريرهم المقصد اكبر من كذا . .
من النادر جدا جدا انه نتعامل اداريا ونكتفي بالتحرير دائما محبه في الجميع وثقه بكم
فقدر استطاعتنا مانوصل الأمور الى هالدرجه لكن مايصير انه نستمر كذا !!
اللي ماعجبه موضوع او رد معين وبيكتب وهو معصب رجاء خاص يقفل الجهاز
حتى يهدأ وبعد كذا حياه الله يكتب ويحاور بأسلوب راقي ومحترم من دون تجريح . .
المنتدى للجميع فرجاء خاص المحافظه عليه وعلى اعضاء قد نخسرهم بسبب التعصب هنا . .
البعض تم مخاطبته بالخاص كعتب محبه والحمدلله كانوا قدها وان شاءالله الجميع قدها
وبالنهايه حنا اخوان والرياضه تبقى لعبه ماتفرق بيننا . .
اعتذر لك اخوي شكوى الدموع ورجاء خاص من الجميع اللي عنده شئ
او تعليق بالخاص مانبي نطلع عن الموضوع اكثر من كذا ولا اتمنى انه نشوف ردود
مستقبلا يتم تحريرها لانه مو على كل حال نكتفي بالتحرير في حال التكرار . .