سلام عليكم ورحمه الله وبركاته
اسف على انقطاعى لمدة لاتزيد عن ثلاثة ايام بسبب وعكه صحيه اتمناى بشفاء لكل مرضى المسلمين .
كان حب اللي في قلبي لك خطيه
*************** ما أظن بالعالم أكبر من خطيتي
كان ذنبي ان الوفا موشوم بية
*************** يا حلاة الذنب لين أبرز هـَوِيتي
كان إخلاصي في حبي لك أذية
*************** ما تصــور بالخليقة كثر اذيتــي
آنا حبك والهوى ماهـــــو بدية
*************** قيدك احرقني وبي نارك وريتي
روحي باوصال العشق لجلك سبية
**************** لو تصدق إنك لروحي فريتي
ليــه تعذبنـــي وانا لـك مرتجيــــة
**************** أحلم بساعة على صدرك مبيتي
تنقضى الساعات كل ليلة بطيــة
**************** والوسادة الخالية تشهد قضيتي
أحبس الدمعات بعيوني عصيـــة
*************** أكتم احساس الوجل فكري شتيت ِ
وبلظى الحرمان أصبح مكتوية
*************** تنشف دموعي تراها ان مادريت ِ
يختلط في داخلي حس المنيــة
*************** تلهث انفاسي يربي وش جـَنـِـيـتي
غير قلبي اللي عطيته لك هدية
***************يرخص الغالي وكل مالك عطيت ِ
العشق بلوى وانا بك مبتليـــــة
*************** ليت ربي ماخلقني ولا هويتي
مدري استاهل انا منك الأذيـة
*************** لو ترى الهجران منك اصبح هديتي
لو ترى هو كبرياء لو عنجهية
*************** لو ترى الحسبات خانت ما بغيت ِ
تبغى تسمعها من لساني طرية
*************** إيه أحبك واعشقك !! هذي بليتي
واعرفك متصوب بهجري شظية
**************** تجرع الآهات بالحسرة ارتويت ِ
وادري مافي قلبك لغيري هوية
****************اسمي به محفور من يوم الوعيتي ِ
انخلقنا من أجــل نبقـى سويــة
****************ما إلك غيري ولا غيرك شريت ِ
حبنا نبــــــراس والعشرة قويــة
**************** والمودة ساس من دمك رويت ِ
نزعل ونرضى ولا هي منتهية
**************** والزعل صفحات ياما لها طويتي
حبنا قصة بتبقى سرمديـــــــــة
**************** ريح عاصف ما تحرك ما بنيتي