( درة اليــــاقـــوت )
أبي اهدي لك حياتي وقف وخذها بحجة استحكـام
خذ روحي من أملاكك ودخلها مشاريعــــــــك
ترسل لي هموم اليوم وانا اعاني هموم العـــام
أعالج قاسي جروحك بتعذيبك وتلويعــــــــك
أنا أخشى مهب الريح يحول بالحصيل أحــــــلام
يهز السفينة موج ويكملها بتوديعـــــــك
أنا مولع بشخصيتك وطواني مع غلاك هيـــــام
تدرسني على طبوعك وتحب الروح تطبيعــــــك
أنا ياليتني خاتم بمعرض صاحب الاختـــــــــام
يلوق الخاتم بعينك وتحطه بحدى اصابيعــــــك
أنا كانك تنام الليل انا من حسرتي ما أنام
انا نبضات قلبي تعطلها مواجيعــــــــــك
أنا ما أرفض غضى العشاق لو يصدر علي أعدام
لهم دستور يشفعلي موثقها بتوقيعــــــــك
هلا يا درة الياقوت حفظها شاطئ الدمـــــام
ودخل حبك أرشيف الروح ولأعز الناس مابيعك
للشاعر : راضي الدليمي