ابكيتـنـي يــاروح روحـــي بـفـرقـاك
وقلـبـي بـكـى قــدام تبـكـيـك عـيـنـي
وليلـي يطـول يسامـره حلـو ذكــراك
وكثـر التوجـد ضـر عــرق الوتيـنـي
ياغايبً عن شوف عيني وانا اهواك
مـتـى البشـايـر فــي مجـيـك تجيـنـي
ازريت لاسلى الود وازريت لانسـاك
وارخصت من شانـك جميـع الثمينـي
و ملّـت عيونـي تنتظـر يــوم لقـيـاك
وطـال النيـا والـشـوق بـيّـح كنيـنـي
وانتـه علـى شوفـي ثقيـلاتً خـطـاك
مازايـمـك بالـجـوف كـثـر الحنـيـنـي
ولاشغلت فكـرك فـي مجيـي ولاجـاك
مايـلـهـدك فـالـكـبـد مــمــا يـجـيـنـي
ياليـت جـرح الهجـر يسكـن حنـايـاك
حـتـى تــذوق الـلـي شربـتـه بديـنـي
الـعـام حـبـي سـاطـع بـنـور قـمـراك
واليـوم نــار البـعـد تـحـرق سنيـنـي
خلاص مات الحلـم فـي ظـل رجـواك
وذكـرى بقـت مابـيـن قلـبـك وبيـنـي