اشكرك غاليتي نونا من الاعماق على استضافتك لي
وباذن الله اكون طفله خفيفه على القلب بالرجوع بذكرياتي
للوراء .....
وش اكثر شي تخاف منه وماتحبه ابدا ؟
الحشرات بشتى انواعها حتى الفراشة
تطلع/ين كثير في الاذاعة المدرسيه ؟
لا ما اطلع ابدا لاني من يوم يومي احس انها مسخره
وما احبها ابدا ...
تبكي/ي كثير ولاعادي ؟
اوووه عاد انا بكايه من يوم يومي ...
ترتيبك بين اخوانك ؟
الوسطــــى
نشيد كنت/ي تحبه / تحبينه أيام الطفوله ؟
الورد الورد والزهور ,,, في الصبحي في الصبحي والبقول
وهذا الندى وهذا الندى بالزهور
وفراشتاً وفراشتاً تدور ...
ههههههه كنت اموت عليه
شخصيه كرتونيه كنت/ي تحبه/تحبينها ؟
عدنان ولينا وتوم وجري ...
كيف كنت/ي ايام طفولتك شيطان/يه ولامؤدب/ه ؟
يعني كذا وكذا واكثر شي شيطونه ...
ماهي المواقف اللي عرضت فيها اهلك للاحراج؟
موقف حصلي بالمدرسه جبت صديقاتي للبيت من غير اهلهم مايدرون
انا وبنت عمي وطبعا بس خليناهم يشوفون بيتنا وقلنا لسواق يرجعهم
هههههههههههههههههههه
هل كنت شخص ذو شخصيه قويه أم مغلوب عليه ؟
لا عاديه لا قويه ولا مغلوب عليهاا ....
اكبر عيديه جمعته/جمعتيه كم ؟؟ ومن مين ؟
والله ما اتذكر ابدا ...
يوم كنتي صغيره تسوين جدايل والا كاريه ؟<<للبنات بس
لا جدايل ...
يوم كنتي تلبسين مريول المدرسه هل تحطين شباصات ميكي ماوس
وشرايط بيض ؟؟ << للبنات
اكيد عاد امي تحب تتفنن بهالشغلات ...
من كـان يدلعك أكثر أبوك او أمك ؟
يمكن الوالد اكثر
اســم دلعك بالطفوله لحد الان ينادونك به ؟ وماهو ؟
الى الان الكل يناديني فيه ....
"صموتة" هههههههههه
بطفولتك كنت/ي تبكي/ن إذا ماجلست/ي بالاول بالطابور اوالفصل ؟
لا بالعكس احب اجلس بالاخير من يوم يومي .....
حتى كانوا يقولو من طولك تجلسي بالاخير هههههههههههه
عندك لعبه موجوده من صغرك إلى الآن ؟ وماهي ؟
لا للاسف يصير لها دمار شامل بعد اسبوع
تقريبا من شرائها ...
صار لك موقف مع المرجيحه
اووه المواقف كلها على الارجوحه
بس تفشل مراح اقولهاا ...
هـل كـنت/ي تـعانـ/ين مـن اخـطاء فـي مخـارج الحـروف .. (الوح=أروح) عثير= عصير)؟؟
لا ولله الحمد كنت صاغ سليم
ما اكـثـر حلاوة كنـت/ي تحـبه/تحبينها ..؟
سويتز وحلاوى المص
آكله تحبها كثير ...وآكله تكرها ..؟
كنت احب الملوخيه كثير
واكره موت البامية ....
ما اسم اول مـدرس/ه درستك ..؟
المعلمة شريفة وحصة
لما احد يكفخك في الشارع لمين كنت تشتكي..! والا تاخذ حقكـ بنفسكـ .. ؟
كنت اشتكي لاختي الكبيره واهي تاخذ حقي ...
وش كانت عيارتك!
مو انا ظلموني ...
كنت تنآم لحآلك ولاعند المآمآ ..؟
لا ويا اخواتي ...
اجمل موقف صار لك بطفولتك ..ومازال عالق في ذاكرتك؟
لما صار لي حادث وقتها كان عمري ست سنين
بس وربي ما نسيته ولا نسيت اللي صدمني
واللي صدمني دكتور مصري
ايش الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟
احب العب ماء وثلج .. وسلوى ياسلوى
وعمتي العزيزاء يالله نلعب غميما ...
ويا اخواتي وبنات عمي كنا كثير ...
أجمل مكان سافرت له وانت صغير وتتمنى ترجع له ثااني ؟
المدينه المنورة .....
بس رجعنا لها وابي بعد نزورها كمان وكمان
هل مر عليك موقف بطفولتك خلاك تكره شخص معين واذكر الموقف ؟
ايه عمتي ظلمتني بشغله عمري ما نستها والا الان اكرها...
كم مرة انطقيت ..او كنت تنطق كثير؟
ولله الحمد ما اذكر احد طقني الا مره بالمدرسه
وجبت امي اليوم الثاني وحرموا مايطقوني مره ثانيه
لان الوالد الله يخليه فوق راسي مايرضى احد يطقنا ابدا ..
كيف مستواك الدراسي ممتاز ..ولا كسلان ..ولا نص ونص ..؟
نص ونص ...
ماهو الحلم البريء ..حلم طفولتك ..كنت تتمنى ان يتحقق..!
اصير مدرسه ولله الحمد تحقق
بس كان حلم شين ....
وين مولود/هـ ؟
بالمستشفى ...
وانت/ي صغير/هـ كنت تحب تلعب مع الاولاد اكثر ولا مع البنات ؟
ويا اولاد وبنات عادي اللي يجي حياه الله
وش اسم اول صديق/هـ لك؟
من غير بنات عموا
كان اسمها جواهر
ونفسي اقابلهاا ....
كلمه اخيره تهديها لطفولتك..!!
ياليتني مازلت عايش وسط افكارك واحلامك..
وياليت مازال اكبر همي فستان عيدي ...
انام صافي الذهن ومرتاح البال ..
اكرر شكري وامتناني لك غاليتي " نونا "