[تحدوهااا البشر]

اقتباس المشاركة الأصلية كتبت بواسطة كحيـــــلان عزيزي الشاب السعودي المقرود خذها نصيحه من القلب للقلب ( لا تهايط فإن الهياط يؤدي إلى التهلكه ) هناك أسباب كثيره جعلتني أقول لك هذه المقوله التي تحمل بين طياتها الشي الكثير ولكن من أهم تلك الاسباب ,, هي سالفه لأحد أخوياي الزلايب شكلاً وقالبا قصه ممتلئه بالعضه والعبره لك أيها الشاب إتصل علي رقم غريب في تمام الساعه 2 ظهراً يوم الثلاثاء ويوم رديت طلع صديقي الغبي بندر وقال لي بصوت مخنوق : تكفى تعال عند شواية الخليج بسررررررعه ,, حاولت أفهم منه شي وأسأله لكنه أقفل الخط في خشتي وقمت مرغماً وأتجهت إليه ,, أول ما وصلت لقيت الرجال واقف وشايل بيده أغراض عباره عن ( نص حبه شوايه + 2 ببسي + 2 مويه + لبن والقليل من السلطات وسفره ) وتوقعت أنه طفران ويبي فلوس أول ما قربت منه قلت : عسى ما شر لا يكون ما حاسبت إلتفت علي وهو معصب وقال : شوف اللحجيه العبده اللي هناك ,, سرقت جوالي يلعن والديها ,, ضحكت من شكله وموقفه البايخ وقلت : أماااااا سرقت جوالك ههههه وكيف وليه طيب شوي ويخنقني : بعدين أقولك وافهم الموضوع ,, تكفى معك 200 ريآل . رفعت حواجبي قليلا جهة اليسار وقلت متعجباً : ايه معاي بس ليه علمني ,, صاح فيني المسكين : يرحم والديك عطني إياها وبكره وهي عندك ابيها ضروري رحت الصرافه وسحبت له الميتين وبقي في الصراف مبلغ لا يتجاوز الـ 48 ريآل فقط وجيت وعطيته وقلت له : شوف تراها آخر ما عندي تكفى لا تورطني لازم تردها بكره لقطها من يدي وراح عند اللحجيه وجلس عندها مدري وش يقول لها وأشوفه يعطيها الميتين وانا اراقبهم شوي شفتها دخلت يدها وسط العبايه وطلعت جواله وأعطته ,, جاني واحسه شوي ويبكي من القهر والغبنه ,, دايركت راح ركب السياره ورجع المرتبه وجلس يسب ويلعن وما ترك كلمه وصخه إلا قالها ,, جيت سألته وانا خانقتني الضحكه : وش السالفه تكفى وليه عطيتها ميتين ههههه طالع فيني وما تكلم ,, شوي إنفجر ضحك وقال : الملعونه ذكيه وسوتها فيني يخرب بيتها ,,, آآآآآآآآآخ يالقهر ,, ياطويل العمر انا اعلمك الموضوع من طقطق لـ السلام عليكم ,, جيت للمطعم وطلبت وانا طالع جتني هذه الشيطانه وتشحذ .. قلت لها تعالي السياره الفلوس هناك ,, وصدقتني ومشت وراي ,, اول ما ركبت السياره نزلت القزاز وكنت ماسك الجوال بيدي اليسار وطلعت ريالين قلت لها بكل خبث : وش رايك تطلعين معاي ونروح الشقه ولك بدال الريالين ,, ميتين ,, انا قلتها ما قلتها ,, إلا وتلقط جوالي بسرعه من بيدي وتحطه وسط صدرها وتمشي اكذب أصدق إي والله سرقت جوالي عيني عينك ,, نزلت ركض ألحقها كنت متوقع إنها بتهرب ,, لكن بنت اللذينا ولا طقت لي خبر وجلست مكانها تشحذ من خلق الله جيت عندها أبلعن والديها واتوطى فبطنها إلا هي مبررررررده عالآخر ,, أول ما قربت منها قالت بلعانه : والله لو تقول شي لأصيح وألم عليك خلق الله وأعلمهم وش قلت لي بالسياره وأفضحك فضيحه لا راحت ولا جت ,,, وقتها بلعت العافيه وجلست أتلفت حولي إلا الشارع ملياااااااااان والمطعم فيه بعض اخوياي فالدوام يعني حشرتني بزاويه بنت كلب ,, خنقتني العبره وقلت لها : طيب عطيني الشريحه بس ,, قامت تأشر بيدها يعني انقلع ,, رجعت قلت لها وانا شوي بصيح : وش تبغين طيب وانا اعطيك ,, الله يرحم والديك اهم شي عطيني الجوال ,,, قالت لي بكل دهاء : عطني ميتين ريآل وأعطيك جوالك ,, بغيت أنقز عليها واخنقها الجوال أبو كشاف ولو أشتريه جديد ما جاب 90 ريآل وهذه تقول ميتين ,, لكن والله ما علي من الجهاز أنا ابي الشريحه لها 5 سنين معاي وصعبه تاخذها بارده مبرده حاولت اكاسر معها انزل السعر شوي قالت : لا تخليني اقول 300 انتبه ,, اول ما قالتها جاني مغص وقمت من عندها ومدري وش اسوي ,, انا طفران ومدري كيف ادبر لها الفلوس ,, دخلت المطعم وكلمت تركي خويي فالعمل وأخذت جواله ودقيت عليك ,, وانت جيت وشفت اللي صار كله ,, حاولت أعلق بس ما قدرت ,, فطست ضحك عليه وجلست أتشمت فيه , , , والمصيبه إلى وقتنا هذا واللحظه اللي اكتب فيها الرد باقي الرجال ما رجع لي الـ 200 والحال لا يسر عدو ولا صديق شكلي بروح أجلس جنب أختنا فالله قدام المطعم وأسترزق الله ,,

تصدق والله يستااهل خووويك اللي سوت بوه الحرمه
وليته مارجعت الجووال له
اقول كحيلااان
الحقه من بيت لبيت وحاره لحاره
الين مايرجع فلووووسك