فيني خموووووووووول مو طبيعي ^^
أمس بعد ماطلعت نمت ولاقمت إلا وأختي تقولي قومي ماراح تروحين المعهد قمت مفجووعة على بالي دوام العصر وأناظر جوالي أشوف الساعة 6 ومابقى الا ثلث سااعة والباص يجيني بسرعة ركض تجهزت وجلست أحفظ << كسلااااانة هههههههههههههههه
وماحفظت الحفظ ماااش حالف مايدخل مخي لا واللي زاد الطين بله إن اللي مسكتنا مو نفس الأستاذة اللي أمس كانت طريقتها حلوووة بس هذي ماأعرف ماعجبتني وأكره شئ لما تجي تعلق على بنت وقت ماتسمع حسستني إنها تعامل أطفاااال وه بس أكره هالشئ وش موقف البنت اللي كانت تسمع أكيد شاالت في نفسها عليها ..!
لما وصلت عندي وقت الحفظ قلت ماحفظت قالت ليش مادوامتي أمس قلت إلا قالت مو واجب سكت ...
وبعد ماسمعت لنا قالت أحفظوا مو يجون معلماتكم السبت ويشوفون بناتهم كذا وأنا أقول بنفسي أخلصي ماأحب هيك معلماااااااااات وماصدقت طلعت الله يعين بناتها العام كيف استحملوا أسلوبها وترى مو لحالي فيه بنات معي ماحفظووا خلونا نفلها أول أسبوووووع ^^
أذكر موقف حصل لي مع هالأستااذة العام حولوني أنا و بنتين عندها بشعبتها بنص الترم الأول يالله وربي شفت أسلووبها أنصدمت وكانت معنا وحدة الله يذكرها بالخير تركت المعهد لظروف خااصة تحطمنا وقسم وقلنا لو مارجعونا لشعبتنا ننسحب من المعهد نهااائي ونزلنا كلمنا المديرة لين رجعوونا وربي على اليومين اللي جلسناهم بقااعتهم كأنهم شهرين ووخربطت وضعنا بس الحمدالله رجعنا قاعتنا مع بقية زميلاتنا ^^
اليوم ماراح أطول مثل أمس على النت بحاول أنام بالكثير على 11 عشان أقوووم أحفظ والله يفتح علي وعلى جميع البناات ياااااااارب :)