الله يرحمهن ويرحم احوال المعلمات ,,,
اخي / اخو هدلا
والله ياخوي جبتها على الجرح والله يقطع قلة الحيله ,, وذكّرتني بفاجعه كنت احاول اتناساها ,,,
قبل سنتين توفن اختين من زميلاتي باالمدرسه في حادث وكانن قريبات لنفسي ,, تخيّل كل خميس وجمعه يجي والدهن من البلد اللي ساكن فيه ويبعد 500 ك ,, كل اسبوع يجي ياخذهن بس عشان يقعد مع بناته هااليومين ياخذهن الاربعاء ويرجعهن الجمعه ,, خمس سنوات وهن يداومن بهاالقريه ,, انا نقلت قبل لايجيهن النقل بثلاث سنوات وباالواسطه بعد !
بعدها سمعت خبر وفاتهن ونجاة والدهن ,,, الموت حاصل حاصل ,, لكن طريقة وفاة المعلمات في حال هاالشقا والشتات والله ثم والله مؤلم ,,,
كل هذا استغلال لحاجة المعلمات للوظيفه ,, إمّا إنّك تداومين باالقريه الفلانيّه ولاتوكلي على الله الف وحده تتمنى مكانك !! الله واكبر ,, والله ماترضونها على فلذات اكبادكم !
وحده اعرفها من الرياض تقولي تدرين وين عينوني , طبعا ً انا عطيتها كل المناطق اللي اخمنها ,, قلت حشى وين حاطينك ,, تخيّلوا , بجزيرة فرسان !!! من الرياض لجزيرة فرسان !!!
حلول هاالقضيّه موجوده ,, (لكن ), ولّا ماعاد (الَّكن) أي داعي !
فائق احترامي ياخو هدلا
دمت بخير