احم احم .. هذا انا جالسه اذاكر قبل ما احل الاسئله ههههه
*وش اكثر شي تخاف منه وماتحبه ابدا ؟
- يوم نكون مخيمين في البر ومسويين ازعاج في الليل وما يبونا نسهر يفرشون لنا انا وبنات عمي ،،
بس ما ننام نلعب ونحوس تجي عمتي تقول ناموا ولا بيجيكم الشبح ..
عاد بر وشبح 
.. ما ناخذ دقايق الا وكأننا ماخذين مخدر ههههه
بقي ها الشي عالق في ذاكرتي لين عرفت انه خيال ..
من جد ها الطفوله برااائه && احلفي 
*تطلع/ين كثير في الاذاعة المدرسيه ؟
- اكيد وكنت دائما انا اللي اقرأ القرآن
*تبكي/ي كثير ولاعادي ؟
-بكاء بدون سبب لا ، و كنت ما احب احد يشوفني وانا ابكي
*ترتيبك بين اخوانك ؟
-الاخيره مع الاسف ، واللي قبلي كلهم اولاد
*نشيد كنت/ي تحبه / تحبينه أيام الطفوله ؟
-نشيد امي
*شخصيه كرتونيه كنت/ي تحبه/تحبينها ؟
-توم وجيري ، بنك بانثر ، ساندي بل
*كيف كنت/ي ايام طفولتك شيطان/يه ولامؤدب/ه ؟
-لا كنت هاديه
*ماهي المواقف اللي عرضت فيها اهلك للاحراج؟
-مافيه لاني كنت هاديه ،
* اكبر عيديه جمعته/جمعتيه كم ؟؟ ومن مين ؟
-العيديه كانت عباره عن هديه من امي وابوي واخواني ماكانت فلوس
*يوم كنتي صغيره تسوين جدايل والا كاريه ؟<<للبنات بس
- جدايل لاني احب الشعر الطويل
*يوم كنت/ي طفل/ه تلع/بين بكمبيوتر العائله ؟؟
-اكيد
*يوم كنتي تلبسين مريول المدرسه
هل تحطين شباصات ميكي ماوس
وشرايط بيض ؟؟ << للبنات
-اكيد
*من كـان يدلعك أكثر أبوك او أمك ؟
-الاثنين
*اســم دلعك بالطفوله لحد الان ينادونك به ؟ وماهو ؟
-اذا قلته راح اجيب العيد
خلينا على همووووسه احسن ههههه
*بطفولتك كنت/ي تبكي/ن إذا
ماجلست/ي بالاول بالطابور اوالفصل ؟
-لاعادي بالنسبه لي ما ابكي ، بس احب اجلس
في الفصل بالاول
*عندك لعبه موجوده من صغرك إلى الآن ؟ وماهي ؟
-بعض العابي موجوده عندي و محتفظه فيها الى الآن
والباقي يوم كبرت اعطيتها بنات اخواني
*صار لك موقف مع المرجيحه
-لا
*هـل كـنت/ي تـعانـ/ين مـن اخـطاء
فـي مخـارج الحـروف .. (الوح=أروح) عثير= عصير)؟؟
-لا ولله الحمد
*ما اكـثـر حلاوة كنـت/ي تحـبه/تحبينها ..؟
-ماكنتوش يمي يمي لهالحين احيانا تجي على بالي اشتهيها واجيبها
*آكله تحبها كثير ...وآكله تكرها ..؟
-ما كنت اهتم للاكل كثير،، عادي
*ما اسم اول مـدرس/ه درستك ..؟
-الاستاذه ساره الله يذكرها بالخير وكنت احبها مره
*لما احد يكفخك في الشارع لمين كنت
تشتكي..! والا تاخذ حقكـ بنفسكـ .. ؟
-ما كنت اتجرأ اطل من الباب اصلا
*وش كانت عيارتك!
-ها العياره لها قصه ....
ياليل .. ليش ها الاحرااج ههههه
*كنت تنآم لحآلك ولاعند المآمآ ..؟
-كنت عند امي بس كبرت صرت لحالي
*اجمل موقف صار لك بطفولتك ..ومازال عالق في ذاكرتك؟
-يوم صمت يوم كامل برمضان واخواني احتفلوا فيني وكانت مفاجأه بالنسبه لي ،،
حسيت اني سويت انجاز ههههه
*ايش الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟
- حريم وكنت العبها مع بنات عمي وبنات الجيران
*أجمل مكان سافرت له وانت صغير وتتمنى ترجع له ثااني ؟
-المدينه المنوره واتمنى اسكن فيها ،النفس ترتاح لها سبحان الله
*هل مر عليك موقف بطفولتك خلاك تكره شخص معين واذكر الموقف ؟
-لا ما فيه
*كم مرة انطقيت ..او كنت تنطق كثير؟
-لا ما فيه طق انا من طبعي مسالمه وبعدين اخواني موجودين،، يعني حراسه مشدده
* كيف مستواك الدراسي ممتاز ..ولا كسلان ..ولا نص ونص ..؟
-ممتاز
*ماهو الحلم البريء ..حلم طفولتك ..كنت تتمنى ان يتحقق..!
-ادخل قسم كيمياء مثل اخوي الكبير والحمد لله تحقق ها الحلم
*وين مولود/هـ ؟
-في المستشفى ،، بس لاتعلمين احد ههههه
*وانت/ي صغير/هـ كنت تحب تلعب مع الاولاد اكثر ولا مع البنات ؟
- كنت احب العب مع البنات ، الاولاد لعبهم دفش اقل شي يدفك ههههه
* وش اسم اول صديق/هـ لك؟
-ريم الله يذكرها يالخير
*كلمه اخيره تهديها لطفولتك..!!
الطفوله حلم جميل ...
متى يكون؟؟عالمنا بهذا الجمال! !جمال الطفوله البريئة..
ابتسامات ورديه ..مشاعرحنونة..قلوب صادقة...لاتعرف..سوى البراءة
اهو حلم مستحيل؟؟
ام خيال واسع؟؟
ليتك تعودين ...
***************************
نونا غاليتي
كل الشكر لك لاستضافتي في ها الموضوع
الاكثر من رائع يكفي انك رجعتيني لذكريات
ها الطفوله الراائعه
كان لي الشرف بتواجدي في صفحتك يالغلا
واتمنى اني اكون خفيفة ظل عليكم
دمتم بخير ،،،