حفلة
من حروف
في مسرح ترقص
به بنات الفكر طربا ً
ياحروف الشعر ياعطر القصيد
يابنات الفكر شيلي واردفي
هاتي الجزله ترانا بيوم عيد
واتركي هزل الكلام وغطرفي
لمن ؟
لبتسامة طفل في يوم ٍ سعيد
اشرقت شمس الصباح بمعطفي
للصغير اللي لبس ثوب(ن)جديد
والكبير اللي بعيده يحتفي
بطاقة عيد ...
والسعاده فالكم عمر(ن)مديد
هذي هي غاية منايه وهدفي
لكل من جانا وجاكم من بعيد
والقريب اهديه شوقي واحرفي
وإهداء خاص للود ....
ياشموخ الود يالصرح المشيد
ياضياء الحرف نورك ماطفي
بالتهاني والفرح شلنا نشيد
ياحمامه بالتهاني رفرفي
واكتمال العيد بالغالي اكيد
في حضوره زال همي وكلفي
ووقوف ٌ على الأطلال ....
هيه.. ياللي غبت يالظبي الفريد
هيه.. ياسبة جروحي وصلفي
وتجديد العهد ...
ساري(ن)مفعول حبك بالوريد
جرحك اللي كنت خابر ماشفي
ومخاطبة الزمان .. عل ، وعسى ....
يازمان الوصل ! يالماض ِ التليد
ياعيون الشوق في قلب(ن) وفي
وشكوى ...
لارسالة عيد لو عبر البريد !
لاسؤال منك لو هو مايفي !
كل عيد وشوق قلبي لك يزيد
والمشاعر لاجل شوفك ترزفي
ومعايدة مترفة ..
عاد عيدك ياعسى عيدك سعيد
انت يا عيد الخفوق ومسعفي !
:
:
:
فهد الفريدي ( طع شوري )
كتبت ، ، فأسرت العيد ، ، والقلب
شكرا ً من الأعماق
،
،
(صح لسانك مليون ولا يسدون)
،
،