يــا ليتـنـي مــا تعـبـت أكتـبـك يــا شِـعـري ...
مــا دام مــا جـبـت كـلـمـة حـــب ّ تجـذبـهـا
محبوبتي صارحتني .. واقصمـت ظهـري ...
تـقـول " فـهـد المسـاعـد " حـيـل معجـبـهـا
يا ليتني " فهـد " لجـل تجـوز عـن قهـري ...
ويــا ليتـنـي فـهـد لأجــل أقـصـد وأطـربـهـا
" يا اللّه " يا كثر مـا هـي دايمـا ً تطـري ...
اسـمــه ولا فـكّــرت فـــي قـلــب صاحـبـهـا
دايـــم تــــردّد قـصـيــده دون مــــا تــــدري ...
وأمـوت غيـرة وساكـت لجـل مـا أغضبـهـا
والمشكـلـة وش عجبـهـا فـيـه أنـــا مـــدري ...
قـصـايـد الـشـعـر .. وإلا ّ وجـــه كـاتـبـهـا
إذا على الوجه _ عذرا ً _ وأطمح لعذري ...
مـــا لــــي ســــوى خـلـقـتـي والله مـهـذّبـهـا
وإذا علـى الشعـر مـا شاعـر علـى خـبـري ...
يـقـدر بـكــل ّ المـعـانـي وصـــف حاجـبـهـا
لـو كــان يـقـدر أحـدهـم كـنـت مــن بــدري ...
كتـبـت فيـهـا القـصـايـد دون مـــا أحسـبـهـا
لكـن ْ لهـا وصـف مـا يخطـر علـى فكـري ...
لـو جبـت أحلـى القصـايـد .. مــا تناسبـهـا
حتى " فهد " لـو يناظـر وجههـا السحـري ...
يـــــروح يـجــمــع دواويــنـــه ويـشـطـبـهــا
أنــام وأصـحـى وأنــا محـتـار فــي أمـــري ...
وش راح أسـوّي لـهـا مــن شــان أعجبـهـا
حيرة وغيرة وعشـق وشـوق فـي صـدري ...
مـتـبـعـثـرة كـلّــهــا .. وشــلـــون أرتّـبــهــا
يا رب ّ زدني صبـر لا قـل ّ بـي صبـري ...
وسامح " فهد " من طعون ٍ فـي ْ مسبّبهـا
وأجبـر كسـور القصايـد لـو عـلـى كـسـري ...
يمكـن مـع الوقـت لا ضـاقـت تـحـس ّ بـهـا
وإلا ّ تـــردّد بعـضْـهـا لا طـــرى ذكْــــري ...
مـع ْ أنّــي مــا اعتـقـد .. وإبلـيـس راكبـهـا
محبـوبـتـي هـــذي الأشـعــار يـــا عــمــري ...
فــدوة عيـونـك مــن أرداهــا إلـــى أعـذبـهـا
لكـن تريـنـي ولــو مــا جــاز لــك شـعـري ...
لــو بــس قلـتـي " فـهــد " والله لأخـرّبـهـا
هذآ فهد...
أعشق ُ شـــعره....
احبـــ وصفه.....
اغرق بـ احســـآسه,,,
اممممممممم !!
شآعري المفضلَ.. !!
الشاعر علي آل جربوع ... ~