طبعاً الصوره بتحكي عن حاله لكن ماعرف الولد الي فيها
بس الولد الي بتكلم عنه اعرفه
دحومي ولد صغيروون جميل وسوالفه جميله مثله
ولد بين خمس اخوات يعني ولد وحيد بين اناث
الكل تحدث وقال انه بيصير كيوت ونعوم
بحكم انه ماراح يخالط بالبيت اولاد مثله
ولكن المفاجأه صار ولد ذرب
وراعي غنم
وعصبي
وجفس ^_^
كل سوالفه ولدت الغنمه
وشربت حليب الخلفات ^_^
انا اكلت الغنمه خبز وعشب
انا احبها بس هي تنحاش مني يالبى قلبه الله يحفظه
عندي دجاج
بس من ناحية عصبيته يعين الله لاعصب
هالصغنون ترآ عمره اربع سنوات مشاءالله تبارك الله
فسمعت امه تقول ياربي ورا ماصرت هادي ومالك صوت مثل خواتك
فما احب اتدخل بخصوصيات الغير
بس لو جا الولد كيوت ونعوم بيقولون عنه ((خكري))
فقلت لأخته انو احسن ان شخصيته كذا
فتقول لا ملاك تكفين لمن نطلع عند صاحباات ماما
تحسينه عايش بالبر وسوالفه غير عن الصغار
حتى اذا عند التلفزيون يحب قناة الساحه ينبسط عليهم
وياويلي لو غيرت
ضحكت عليها وقلت احمدي ربك خير تخيلي اجل وش تبين سوالفه
بيعجبك لو صار كيوت ونعوم ويع
قالت لا مو كذا بس عاد مو بر وغنم حتى لمن طولنا شعره
ابوي وداه وحلقه قال بابا ابي مثلك مابي طويل ^_^
ياحبي له الله يخليه لعين ترجيه