أتشووووو << ترآي عطست وقلت الحمدالله
مادري احس كيبووردي عليه شوي غبار *_*
<< ترآي انغز لشيء ما ^_^
كان ودي اصور لكم فطووري بس وش اسوي لانزلت للمطبخ
اتعيجز ارجع للغرفه << ترآ غرفتي بعيده ابعد شي عن المطبخ
بحط لكم وش سويت اليوم وكل اكله بمقاديرها
اللقيمات ..
مقاديرها
كاسين دقيق.. بيالة زيت .. نص فنجال سكر.. شوية ملح .. بيضتين.. ملعقه خميره..
ولبن..
طبعاً تحطينهم مع بعض وتعجنينها باللبن وتتركينها ساعتين
وقبل الأذان ابدي لقمي <<< يعني حطيها بالزيت
وسويت شوربه بالدجاج ومافي احد مايعرف شوربة كويكر طبعاً
ماتحتاج اكتب مقاديرها والي يبيها يعلمني ^_^ لأنو سهله
والسمبوسه كانت حشوتها دجاج مفروم مع بقدونس مع جزر مبشور طبعاً الملح والبهارات
واللف اكيد كلكم تعرفونه يابنوتات
سويت صينية سمك بالخضار لأنو امس الوالد قال يبي سمك
وهذي بعد سهله ونزلت اول مقاديرها بالود بالصور
تقطعين انواع الخضار الي بالثلاجه عندك وتحطينها بصينيه فوق السمك طبعاً
وتكونين مسويه مثل التتبيله الي هي معجون طماط وملح وبهورات وترشينها عالسمك والخضار
وتدخلينها الفرن ساعه بالكثير الا المطبخخ ريحته واااااو جميييله
سويت فيمتو اند عصير برتقال ^_^
وسويت سندوتشات بالكودو الكذابه <<
المقادير
صدور دجاج او دجاجه كامله تنتفينها وتشيلين العظم منها وتسلقينها
وتقطعين بصل صغااار مره اصغر شي وطماط اذا تحبين وفلفل بارد وفصين ثوم مع الزيت تحمسينها وحطي بعدها الدجاج ومن ثم تصبين عليها صلصة الصويا تعطي طعم وريحة الكودو وتحشينها بسندوتشات
الصغار او عجينة الفطاير تبعك
وسويت فول قلابه ^_^ عندي الوالد يطولي بعمره يحبه مع الخبز الحار
طبعاً فوال الطايف يصرقون خلطتي << ^_^
بس مره سهل وبالبيت يحبونه اهلي اكثر
طبعاً فول معلب جاهز بالخلاط ومن ثم
بصل وطماط تقطعينه صغار مع فص ثوم وبعد ماتكبين عليه الفول
رشي عليه ملعقتين كمون وشوية ملح وبالعافيه
مـ الشوق ـلاك