منتديات الـــود - عرض مشاركة واحدة - سامحنـــي لأني أحبك .. للكاتبه فله راك ( لعيون قلب )

سندريــــــلا · 09-08-2010, 07:03 AM

" سامحني لأني أحبك "

البارت السادس عشر

في المنار مول

كانت بشرى مع فجر يتمشون عشان يشترون هدية حق نورة بمناسبة ملجتها وفجر هالمرة الأولى اللي بحياتها تغطي قصتها....
بشرى: شو ناخذها لها؟؟
فجر: اممم ماعرف، انتي شو رايج؟؟
وفجأة، تجدم منهم واحد وقال: شحالج بشرى؟؟

بشرى بخجل وتصنع للدهشة: منووو فيصل؟؟
فيصل وعينه على فجر: هيه أنا فيصل بشحمه ولحمه، الصراحة هذا أسعد يوم بحياتي أني جفتج فيه
بشرى منزلة راسها وساكتة
فيصل: شو رايكم نسير نطلب لنا شيء ناكله؟؟
فجر حدها متفاجئة ومصدومة من الموقف
بشرى وراسها بالأرض: أنا ما عندي مانع
فيصل وهو يطالع فجر: وربيعتج شو رايها؟؟
فجر بعصبية وصدت صوب بشرى: أنا خلاص بسير البيت
بشرى تيودها من إيدها: بلاج فجورة، بناكل لنا شيء وبعدين بنسير، ولا تنسين نحن للحين ما شرينا شيء حق ملجة نورة
فجر بنرفزة: مابا أشتري شيء، ورجاء بشرى لو ما ييتي معاي الحين بتصل بأخوي وبخليه يشيلني من هني
فيصل: لالا خلاص ماله داعي كل هذا، وصد صوب بشرى: أهم شيء أني جفتج يا غناتي، تحملوا على أعماركم وصد صوب فجر مرة ثانية: السموحة منج إختي، أنا آسف وسار عنهم

بشرى تزاعج: انتي عايبنج اللي سويتيه مع الريال؟؟!!!
فجر بعصبية : ممكن نسير البيت الحين ونتفاهم هناك
بشرى بعصبية: أوكي...

عند عبير

عبير يالسة مع أمل في بيتهم
أمل بخبث: بس أنا خاطري...
عبير تقاطعها بعصبية: مب انتي وعدتيني لو ابتعدت عن فجر ما بتيبين لي طاري هالموضوع مولية
أمل: صح حبي، لكن الوضع الحين تغير
عبير: شو تقصدين؟؟
أمل: انتي بعد جم من يوم أكيد تبين تسيرين ملجة نورة، و أكيد بتجوفين هالحيوانة فجر هناك، وأنا الصراحة ما أضمن أنج ما بترمسينها
عبير: تعالي معاي وتأكدي
أمل تضحك بصوت عالي: ضحكتيني وظلت تضخك بصوت عالي وبعدين قالت: هذا اللي ناقص أنا أسير ملجة، وملجة منو بعد هاللوث الجلبة نورة
عبير تزاعج: فجر و بعدتيني عنها ونورة ما تبيني أسير ملجتها، انتي ما تقولين لي شو اللي تبينه مني بالضبط؟؟

أمل: انتي تعرفين أنا شو اللي أباه منج،... وبصوت أقرب للهمس: بس يوم واحد، ما بتخسرين شيء... " غلطانة يا أمل، لو عبير رضت بهالشيء، بتخسر وايد أشياء وأهمها رضا الله، ومافي خسارة أكبر من خسارة الإنسان لرضا ربه"

عبير وقفت بعصبية: والله لو شو ما قلتي هالشيء مارح يصير، خلاص كرهتيني بحياتي، حتى ملجة نورة ما بسير، خلاص كافي حرام عليج وسيدة شلت شنطتها وطلعت من عند أمل
أمل في خاطرها: الظاهر أني بدوَرعلى وحدة نيو، بدل هاي المينونة...
.................................................. ...............................

عند شوق

بدت الأفكار الشيطانية بمهاجمة شوق بشراسة، وشوق مستانسة بهالأفكار، تتحرى عمرها عبقرية!!!!
شوق: الناس تضرب عصفورين بحجر واحد، بس أنا غير، بضرب ثلاث عصافير بحجر، بفتك من حشرة ألحان، وبوصل حق الجلبة فجر، وبعرف كل أخبار جاسم وبصوت عالي تضحك: والله أنج داهية يا بنت منصور، وأول خطوة بسويها بتصل بخليفة، وماظن خليفة بيرفض، لأن هالغبي نقطة ضعفه البنات
وفعلا اتصلت شوق بخليفة
خليفة في خاطره: أففف هاي شو تبا الحين، يعني الريال ما يباها، شو بالغصب يرمسها؟؟!!، بخليها تولي أحسن شيء
لكن شوق استمرت تتصل وتتصل، لين ما طفر خليفة و رد
خليفة بعصبية: انتي شو عندج، كل شوي تتصلين، رقم جاسم وطلعتيه، شو اللي تبينه أكثر عن جي...
شوق بغرور: عشان تعرف أن أي شيء أباه بوصله
خليفة بعصبية: سيري لا، الغلط علي أنا اللي رديت عليج
شوق: جاسم لا تبند
خليفة: بلاج انتي خبلة، أنا خليفة
شوق: والله آسفة، بس اسم جاسم دوم على لساني
خليفة: المهم شو اللي تبينه الحين؟؟
شوق: أباك بموضوع وايد مهم
خليفة: أكيد يخص جاسم
شوق: انت اسمعني بالأول... سكتت شوي وبعدين قالت: انت مالك خاطر ترمس بنت حلوة وجريئة وممكن تظهر معاك متى ما بغيت
خليفة مستانس: انتي متأكدة أنها ممكن تظهر معاي؟؟
شوق: مليون بالمية، بس انت قولها أن اسمك حمد وأنك انت أخوي
خليفة باستغراب: وليش إن شاء الله؟؟
شوق: البنت تبا ترمس أي واحد،... وبطنازة: أووو سوري على فكرة هي مب بنت، لأنها ظهرت قبل مع واحد
خليفة يضحك: والله هذا عز الطلب
شوق تضحك: المهم هالبنت مثل ما قلتلك تبا ترمس أي واحد، وأنا قلتلها بخليج ترمسين أخوي وهي راضية، وأخوي اسمه حمد و

خليفة يقاطعها: خلاص فهمت عليج، بس هي في مرة جافت أخوج؟؟...
شوق وهي تجذب: لا، ولا يخصها فيه، البنت ما تفرق معاها، بس تبا ترمس وتظهر، على قولتها تبا تعيش
خليفة: امممم هالبنت مواطنة؟؟
شوق: هيه مواطنة، وعمرها 18 سنة، يعني قدنا
خليفة: اممم أنا الصراحة موافق، بس أكيد انتي تبين مقابل على هالخدمة، صح؟؟
شوق: بالضبط واللي أباه منك مب وايد صعب، أبا أعرف أخبار جاسم أول بأول، كل مكان بيظهر له أبا أعرفه، وبعد أبا رقم البنت اللي يرمسها...
خليفة: جوفي أنا مستعد أساعدج بالطلب الأولي وأييب لج كل أخبار جاسم، لكن سمحيلي بالثانية
شوق بضيج: ليــــــش؟؟!!!
خليفة: اللي ترمسين عنها ممكن تصير حرمة جاسم، مب متأكد، بس في احتمال، ومهما يكون أنا مستحيل أبيع ولد عمي
شوق: أنا بسويلك كل شيء تباه، وبدل البنت مستعدة أييب لك مليون وحدة

" صرنا بزمن البنات فيه يبيعون أعراض بعض"

خليفة: السموحة منج شوق، ماقدر أساعدج بالموضوع الثاني
شوق: انزين قولي شو تعرف عن هاي اللي اسمها فجر؟؟
خليفة باستغراب: وكيف عرفتي أن اسمها فجر؟؟
شوق: مب مهم كيف، المهم قولي شو تعرف عنها
خليفة: مب وايد، مثل ما قلتي اسمها فجر، ومن راس الخيمة ونفس الشيء بعد ثانوية عامة
شوق: حلوة؟؟
خليفة يضحك: ولا مرة جفتها
شوق: انزين جاسم شو يقول عنها حلوة؟؟
خليفة: ولا حتى جاسم، ولا مرة جافها
شوق باستغراب: معقولة؟؟
خليفة: والله هذا اللي فهمته من جاسم
شوق: الظاهر هالبنت مجرد محطة بيوقف عليها جاسم، وبعدين بيطبها...
خليفة: ما علينا ممكن تعطيني رقم البنت اللي تبا ترمسني...
شوق: بعطيك الرقم بس لا تتصل عليها، إلا لما هي تتصل
خليفة: ولو ماتصلت حضرة ملكة الجمال
شوق تضحك: صدقني اليوم أو باجر بتجوفها تتصل
خليفة: انزين شو اسمها؟؟
شوق: ألحان!!!

عند بشرى

فجر عند بشرى في بيتهم
فجر وهي معصبة: انتي ليش ما قلتيلي من قبل، أنج سايرة تواعدين فيصل، حسستيني أني مثل الأطرش بالزفة، سايرة على نياتي ومادري عن شيء؟؟!!!
بشرى بارتباك: اممم صدقيني ما كنت مواعدة حد، الموضوع كله صار صدفة...
فجر: لا والله، عيل بالذمة كيف عرف شكلج؟؟
بشرى: الصراحة أنا كنت مطرشة له صورتي من فترة، وما حبيت أخبرج، عشان ما تزعلين مني، وبعدين فيصل أربع وعشرين ساعة مطيح بالمنار، عشان جي أول ما جافني ياه وسلم علي
فجر ساكتة

بشرى: غريبة توقعتج بتتضايجين يوم تعرفين أني أنا مطرشة له صورتي
فجر بحزن: حتى أنا!!!

بشرى بصدمة: تقصدين أنج انتي طرشتي صورتج حق جاسم؟؟
فجر وهي تصيح: كان غصبا عني، والله غصبا عني، كسر خاطري يومها، فاضطريت أني أطرش له صورتي، وكان آخر يوم رمسته فيه... سكتت شوي وبعدين قالت: معقولة طحت من عيون جاسم يوم طرشت له صورتي، أو يمكن صورتي ما عيبته عشان جي ماتصل علي حتى الحين

بشرى: يا مينونة لا هذا ولا ذاك، يعني هو اللي طلب منج تطرشين له صورتج، فكيف بتطيحين من عينه؟؟، وبعدين انتي ما شاء الله عليج حلوة، كيف يعني ما عيبتيه...
فجر تصيح: عيل ليش ماتصل فيني للحين؟؟، والله أحس عمري بموت يا بشرى، جاسم هو اللي أعطاني الأمل بعد ما فقدته، هو اللي خلى لحياتي طعم بعد وفاة يدي، هو كان كل شيء بحياتي، صحيح أني ما رمسته فترة طويله، بس أحبه والله أحبه يا بشرى...

شاعرنا فزاع بشعره قال حد منكم حب في ثلاث أيام
أرد وأقول أنا حبيت في ساعة ومدري شو الأسباب
حبيتك بوفاء وعشقتك بجنون ولا حتى في الأحـــلام
حبيتك حب الأم وهي تحضن رضيعها ساعة الإنجاب

بشرى: حبيبتي عشان خاطري لا تصيحين، وبعدين لا تنسين يا حلوة باجر عيد ميلادج، وانتي للحين ما سويتي شيء حق الحفلة...
فجر بعدم مبالاة: والله، باجرعيد ميلادي، تصدقين أني ناسية
بشرى تضحك: فديتج لو انتي تنسين أنا مستحيل أنسى، المهم بتعزمين منو على الحفلة؟؟
فجر بحزن: بس أنا ما بسوي حفلة ولا يهمني هالعيد الميلاد
بشرى باستغراب: انتي ترمسين جد، كل هذا عشان جاسم للحين ماتصل فيج!!!
فجر: بشرى افهميني، منو بالذمة رح ييي الحفلة، عبير ما ترمسني، ونورة مشغولة بالتجهيز لملجتها، حتى لو ما كانت عندها ملجة مستحيل تيي، لأنج مثل تدرين هي ما تحب هالسوالف، وباجي البنات الكل يحاتي النسبة ويالس على أعصابه، يعني ما حد متفيج لي ... سكتت شوي وبعدين قالت: هذا أول عيد ميلاد يمر علي من غير يدي الله يرحمه، عسبة جي يمكن مب حاسة فيه...
بشرى: أنا متأكدة لو كنتي ترمسين جاسم مثل أول، كنتي بتسوين الحفلة وبتستانسين
فجر: خلاص يا بشرى سكري ع الموضوع، أنا بسير بيتنا الحين
بشرى: ليش تو الناس
فجر: لا ماقدر أطول أكثر عن جي
بشرى: منو بيوصلج؟؟
فجر: الحين بتصل على أخوي خالد
بشرى: تحملي على عمرج أوكي
فجر: إن شاء الله وانتي بعد
بعد ما سارت فجر بيتهم
بشرى في خاطرها: والله طلعتي مب هينة يا فجور، من وراي تطرشين صور، الصراحة ما توقعت الأمور تتطور جي...
.................................................. .........................

عند شوق

شوق طالعة من غرفتها ولابسة عباتها
حمد أخوها: على وين إن شاء الله؟؟
شوق: هلا حمد، أنا بسير عند ربيعتي ألحان، يحليلها شوي تعبانة...
حمد: الله يشافيها، بس تعرفين ربيعتج هاي مول مارتاح لها
شوق تضحك
شوق: حمد قبل ما أنسى، أنا ودي أفتح ملف
حمد: عشان السواقة
شوق: هيه
حمد: انتي كملتي 18 سنة؟؟
شوق تضحك: هيه من زماااااااااان
حمد: خلاص عيل، خلي النسبة تطلع وأنا بقنع الوالد أن يفتح لج الملف
شوق: مشكور أخوي، بس أنا ضامنة موافقة الوالد، كنت أحاتي بس موافقتك انت
حمد: أكيـــــد بوافق، أهم شيء عندي أنج تكوني مستانسة، وأحلى يوم بحياتي يا شوق يوم بجوفج عروس وحذالج ريلج

شوق وبدت تحس بغصة بداخلها، لكنها تصنعت الإبتسامة وظهرت

شوق في السيارة، طبعا الدريول هو اللي كان موصلها
شوق في خاطرها: تبا تجوفني عروس يا أخوي، آآآآآآآخ بس يا حمد، لو تعرف باللي فيني..... وشوي وجنها تذكرت ألحان: سوري يا ألحان، أنا ماودي أضرج، لكن عشان جاسم بسوي أي شيء، وهاي الدنيا الفوز للأقوى...
الدريول: ماما هذا بيت صديق مال انت
شوق توها طلعت من سرحانها: أوكي، تعال بعد ساعة
الدريول: أوكي ماما

نزلت شوق من السيارة وسارت حق ألحان
بعد السلام والسوالف
شوق: شو رايج؟؟؟
ألحان مستانسة: ماصدق، يعني أخوج بروحه قال يبا رقمي...؟؟
شوق: هيه بلاج، خليج ثجيلة شوي
ألحان: غريبة، ما توقعت أخوج بيطلب رقمي
شوق: هو صراحة يبا يتعرف عليج أكثر وأكثر وبعدين يخطبج
ألحان: يا سلام، حدي مستانسة يا شوق والله تستاهلين بوسة
شوق تضحك: والله أنج هبلة وبجدية قالت: عاد لا تكوني خفيفة على أخوي، يعني لو قالج يبا يجوفج لا توافقين بسرعة، تريي أربع خمس أشهر، عشان يعرف أنج مب مثل بنات هاليومين
ألحان: ليش ...هو بيخطبني بعد أربع أو خمس أشهر؟؟
شوق بارتباك: مب هذا القصد، بس انتي تعرفين، أخوي يالس يتريا البيت، والبيت بعده ما خلص
ألحان: أي بيت هذا اللي ترمسين عنه، وانتوا ما شاء الله الفلة اللي تعيشون فيها تكفي زوجته وعياله وعيال عياله
شوق: بلاج اذكري ربج، وبهدوء: افهميني يا ألحان، أخوي مقدم على بيت من الحكومة، هو يبا يحس بالإستقلالية في بيته، بس عشان جي، وإلا انتي تبين أمي بعدين تتحكم فيكم عالطالعة والنازلة
ألحان وجنها اقتنعت: صح كلامج، مع أن كان خاطري أنا وانتي نعيش بنفس البيت
شوق تضحك: هالشيء بيصير يوم بندش الجامعة، بنكون بنفس الغرفة
ألحان: لا تذكريني بروحي زايغة من النتايج...
شوق ما تحب ترمس عن المدرسة والامتحانات، عسبة جي سيدة غيرت الموضوع
شوق: قبل ما أنسى أبا أقولج شيء
ألحان: شو...
شوق: يوم تيين بيتنا، لا تتضايجين من أخوي لو صدج، ترى هو عالطبيعة يستحي وايد، بس ع التلفون عادي بيسولف معاج
ألحان: أخاف يا شوق أنج انتي اللي أقنعتيه ياخذ رقمي وإلا هو ماله خاطر فيني مولية
شوق: يا هبلة، هو يحبج بس يستحي يصارحج، وعلى فكرة هو اللي قالي سيري حق ربيعتج ألحان، لأنها من زمان ما صارت تيي البيت
ألحان: شو قلتي ، حمد يحبني؟؟
شوق بعدم مبالاة: هيه يحبج، المهم خذي هالرقم واتصلي عليه، ومثل ما قلتلج خلج ثجيلة عليه شوي
ألحان وهي حدها طايرة من الفرح: فديتج شوق، مشكورة يا أحلى صديقة بهالكون، وأخيرا بديت أحس بالأمل بعد سالفة الحقير سليمان...
شوق في خاطرها: آسفة يا ألحان، ما كان ودي أسوي هالشيء، بس مستحيل أخلي أخوي ياخذ وحدة شراتج

في اليوم الثاني

كان عيد ميلاد فجر الثامن عشر، طبعا الوحيدة اللي اتصلت فيها وباركت لها، كانت بس بشرى...
فجر وهي تحضن روميتو وتصيح: هذا أول عيد ميلاد ماحس فيه مولية، بالعادة كل سنة حفلة وضحك ووناسة،آآآآآآآخ يا يدي والله أني وايد محتاية لك وايد، وينك عن دنيتي اليوم، وانتي يا عبير معقولة نسيتي هاليوم، كنتي أول وحدة تتصلين علي، حتى من قبل ما تدق الساعة 12 وتباركين لي، ليش بس تغيرتي علي، كيف هانت عليج العشرة، وانت يا جاسم، قلتلي قبل أنك بتكتب لي قصيدة بهاليوم، والحين مافتكرت فيني ولا بمسج... الظاهر خلاص انكتب علي العذاب طول العمر

أما عبير وضعها ما كان أحسن عن فجر، كانت طول الوقت تحس بتأنيب الضمير صوب فجر، وكل شوي تسترجع ذكرياتها مع فجر وتصيح، حتى الدموع ملت منها

عبير في خاطرها: صدقيني يا فجر ودي أتصل عليج وأبارك لج بعيد ميلادج، ودي أقولج كل عام وانتي بخير يا أغلى صديقة بهالكون، لكن أمل لو درت والله بتودرني، صحيح أني أعزج واااااااايد يا فجر، لكن ماعرف ماقدر أعيش من غير أمل، والله بديت أشك أن أمل مسوية لي سحر، وايد أحبج يا أمل، بس آآآآآآآآخ يا أمل لو تحسين بالحزن اللي أنا أحس فيه... بس كيف ممكن تحسين يا أمل وانتي ما تربيتي مع أم...

.................................................. ..............................

في حفلة ملجة نورة

طبعا نورة كانت هي قمر الحفل، كانت ما شاء الله عليها وايد حلوة، خاصة مع الميكب والفستان السماوي... فجر وبشرى وجم من وحدة من ربيعات نورة كانوا موجودين، خاصة أن الحفلة كانت نوعا ما عائلية وحق المقربات بس...
فجر بدت تسرح بعالم الخيال، وتتخيل عمرها بمكان نورة وحذالها جاسم

" جاسم: فديتج يا أحلى عروس، ما تتخيلين شكثر ترييت هاليوم؟؟
فجر منزلة راسها ومستحية
جاسم يرفع لها راسها: أحبج
فجر: وأنا بعد
جاسم: أوعدج وعد أني بسعدج طول العمر، ربي لا يحرمني منج يالغالية
فجر: ولا يحرمني منك، صدقني عمري ما بزعلك"

بشرى: فجر وين سرتي؟؟
فجر انتبهت للواقع
بشرى: بلاج؟؟
فجر وهي تمسح دمعة خذلتها: لا ما شيء
بشرى: تفكرين بجاسم؟؟
فجر: دخيلج غيري الموضوع
بشرى: أوكي، خلينا الحين نسير نسلم على نورة
فجر: أوكي

بعد مرو فترة

عبير تعبت عليهم وااااااايد، وودوها المستشفى، طبعا آلام الكلى بدت تزيد عليها وايد، والدكتور قال حق أهلها أنها المفروض تظل معاهم فترة معية تحت الملاحظة، لأن الإلتهابات صارت وايد حادة، وبهالفترة ما حد زارها غير نورة وطبعا أهلها، أما بالنسبة لأمل فهي سارت لها يوم واحد وظلت معاها أقل من عشر دقايق...

عبير بصوت تعبان: جفتي يا نورة، ما حد من البنات افتكر فيني وزارني
نورة: حبيبتي لا تقولين أي شيء، فكري بس بصحتج، الدكتور قال أن الحالة النفسية لها دور بزيادة الآلام عليج...
عبير: انتي تزوريني بس عشان تكسبين فيني أجر، صح؟؟ مب عشاني أنا
نورة باستغراب: انتي ليش تقولين جي؟؟
عبير: أنا ما ييت ملجتج، ولا أتصل عليج وايد، أنا بالأساس مب وايد معاج، ومع هذا كل شوي تزوريني
نورة: جوفي يالغالية، الإنسان ممكن يكسب الأجر بمليون طريقة، مب بس عن طريق زيارة المريض، ولو ما كنتي غالية علي، كنت بزورج يوم واحد وبعدين بطمن عليج بالفون، بس صدقيني انتي ربيعتي وغالية علي، ولا تنسين أن نحن كنا واااااايد مع بعض أيام الإبتدائي، وكافي أن نحن درسنا 12 سنة بنفس المدارس...
عبير وهي تصيح: عيل ليش الكل تخلى عني، ليــــــش.؟؟

" تسألين ليش تخلوا عنج يا عبير، مب انتي اللي بديتي وتخليتي عن أقرب صديقة لج"

نورة: لو تقصدين فجر، فهي ما تعرف أنج مريضة، وأنا متأكدة من هالشيء، اممم شو رايج أتصل عليها؟؟
عبير: تتصلين بفجر؟؟
نورة: هيه أتصل على فجر، وتأكدي يا عبير أنها بمجرد ما تسمع الخبر بتيي لج ركض
عبيرفي خاطرها: ذاك أول يا نورة، بعد اللي سويته بفجر، مستحيل حتى تتذكرني بتلفون
نورة: شو قلتي أتصل عليها؟؟
عبير: لا
نورة: ليش انزين؟؟
عبير: أنا جي عندي أمل أن فجر ممكن تيي تزورني، لكن لو انتي اتصلتي عليها، فأنا بفقد الأمل يوم بسمع أنها ما تبا تجوفني
نورة: انتي خاطرج تجوفينها
عبير وهي تصيح: واااااااااايد وااااااااايد يا نورة

نورة في خاطرها: ماله داعي أسمع رمسة عبير، أحسن شيء أتصل بفجر من غير ما أقول حق عبير، يا ليت بس لو يتصالحون يا ليت، حرام صداقة مثل صداقتهم القوية تنتهي بهالسرعة
نورة: عبير أنا شوي بسير الحمام " الله يعزكم"
عبير: أوكي

وظهرت نورة برع الغرفة واتصلت على فجر وخبرتها كل شيء عن عبير
فجر وهي تصيح: حرام عليج يا نورة ليش ما خبرتيني من قبل
نورة: الصراحة عبير كانت خايفة أنج ما تيين عسبة جي ما كانت تبا تفقد الأمل بييتج
فجر: ومن متى وهي بالمستشفى؟؟
نورة: من ثلاث أيام تقريبا
فجر: الله يسامحج يا نورة، من ثلاث أيام والحين ياية تخبريني
نورة: سمحيلي والله، بس أنا خفت أخبرج وتزعل مني عبير
فجر: الحين بتصل مع بشرى وبيي إن شاء الله
نورة: أوكي، الله يحفظج

واتصلت فجر على بشرى

فجر: دخيلج بشورة خلينا نسير لها
بشرى: تبين تسيرين سيري لها بروحج، أنا مالي خاطر أجوفها...
فجر: بشورة بليز عشان خاطري
بشرى بعصبية: انتي شو ما عندج كرامة، كل شيء سوته فيج عبير وتبين تسيرين لها بعد
فجر معصبة: شو كرامة ما كرامة، رسولنا وصانا بزيارة المريض، فكيف لو كان هالمريض شخص غالي علي، بشور ترى عبير مو بس ربيعتي، عبير ربيعتي وإختي وتوأمي، مستحيل أدري أنها بهالحالة وماسير لها
بشرى وشوي بدت تحس بالغيرة: قلتلج تبين تسيرين سيري لها بروحج، أما أنا مابا
فجر: الخلاف كان بيني وبين عبير، انتي ليش ما تبين تسيرين لها، شو ما عندج إحساس مولية
بشرى باستغراب: فجر!!
فجر وهي تصيح: خلاص يا بشرى، كيفج لا تسيرين
بشرى: خلاص فجور لا تصيحين، أنا بسير معاج، بس صدقيني كنت خايفة عليج أنج تجوفين أمل هناك وتعق عليج جم من كلمة
فجر: لا عادي مب مشكلة، كل شيء عشان عبير يهون، الحين أنا بمر عليج وبنسير مع بعض
بشرى بضيج: أوكي

فجر طول الوقت في السيارة وهي تفكر بصديقة عمرها عبير، ويالسة تدعي لها من خاطرها أن الله يشافيها، أما بالنسبة لبشرى أبد كانت مب مهتمة، حتى أنها حاطة فل ميكب وهي سايرة حق عبير

في المستشفى
فجر جافت نورة
فجر وهي تصيح: وين عبير؟؟
نورة وهي تأشر بإيدها: بهاي الغرفة اللي حذالج

=====

09-08-2010, 07:03 AM	رقم المشاركة : 3
سندريــــــلا ( مشرفة العام والقضايا الساخنة) اوسمتي مجموع الاوسمة: 1	" سامحني لأني أحبك " البارت السادس عشر في المنار مول كانت بشرى مع فجر يتمشون عشان يشترون هدية حق نورة بمناسبة ملجتها وفجر هالمرة الأولى اللي بحياتها تغطي قصتها.... بشرى: شو ناخذها لها؟؟ فجر: اممم ماعرف، انتي شو رايج؟؟ وفجأة، تجدم منهم واحد وقال: شحالج بشرى؟؟ بشرى بخجل وتصنع للدهشة: منووو فيصل؟؟ فيصل وعينه على فجر: هيه أنا فيصل بشحمه ولحمه، الصراحة هذا أسعد يوم بحياتي أني جفتج فيه بشرى منزلة راسها وساكتة فيصل: شو رايكم نسير نطلب لنا شيء ناكله؟؟ فجر حدها متفاجئة ومصدومة من الموقف بشرى وراسها بالأرض: أنا ما عندي مانع فيصل وهو يطالع فجر: وربيعتج شو رايها؟؟ فجر بعصبية وصدت صوب بشرى: أنا خلاص بسير البيت بشرى تيودها من إيدها: بلاج فجورة، بناكل لنا شيء وبعدين بنسير، ولا تنسين نحن للحين ما شرينا شيء حق ملجة نورة فجر بنرفزة: مابا أشتري شيء، ورجاء بشرى لو ما ييتي معاي الحين بتصل بأخوي وبخليه يشيلني من هني فيصل: لالا خلاص ماله داعي كل هذا، وصد صوب بشرى: أهم شيء أني جفتج يا غناتي، تحملوا على أعماركم وصد صوب فجر مرة ثانية: السموحة منج إختي، أنا آسف وسار عنهم بشرى تزاعج: انتي عايبنج اللي سويتيه مع الريال؟؟!!! فجر بعصبية : ممكن نسير البيت الحين ونتفاهم هناك بشرى بعصبية: أوكي... عند عبير عبير يالسة مع أمل في بيتهم أمل بخبث: بس أنا خاطري... عبير تقاطعها بعصبية: مب انتي وعدتيني لو ابتعدت عن فجر ما بتيبين لي طاري هالموضوع مولية أمل: صح حبي، لكن الوضع الحين تغير عبير: شو تقصدين؟؟ أمل: انتي بعد جم من يوم أكيد تبين تسيرين ملجة نورة، و أكيد بتجوفين هالحيوانة فجر هناك، وأنا الصراحة ما أضمن أنج ما بترمسينها عبير: تعالي معاي وتأكدي أمل تضحك بصوت عالي: ضحكتيني وظلت تضخك بصوت عالي وبعدين قالت: هذا اللي ناقص أنا أسير ملجة، وملجة منو بعد هاللوث الجلبة نورة عبير تزاعج: فجر و بعدتيني عنها ونورة ما تبيني أسير ملجتها، انتي ما تقولين لي شو اللي تبينه مني بالضبط؟؟ أمل: انتي تعرفين أنا شو اللي أباه منج،... وبصوت أقرب للهمس: بس يوم واحد، ما بتخسرين شيء... " غلطانة يا أمل، لو عبير رضت بهالشيء، بتخسر وايد أشياء وأهمها رضا الله، ومافي خسارة أكبر من خسارة الإنسان لرضا ربه" عبير وقفت بعصبية: والله لو شو ما قلتي هالشيء مارح يصير، خلاص كرهتيني بحياتي، حتى ملجة نورة ما بسير، خلاص كافي حرام عليج وسيدة شلت شنطتها وطلعت من عند أمل أمل في خاطرها: الظاهر أني بدوَرعلى وحدة نيو، بدل هاي المينونة... .................................................. ............................... عند شوق بدت الأفكار الشيطانية بمهاجمة شوق بشراسة، وشوق مستانسة بهالأفكار، تتحرى عمرها عبقرية!!!! شوق: الناس تضرب عصفورين بحجر واحد، بس أنا غير، بضرب ثلاث عصافير بحجر، بفتك من حشرة ألحان، وبوصل حق الجلبة فجر، وبعرف كل أخبار جاسم وبصوت عالي تضحك: والله أنج داهية يا بنت منصور، وأول خطوة بسويها بتصل بخليفة، وماظن خليفة بيرفض، لأن هالغبي نقطة ضعفه البنات وفعلا اتصلت شوق بخليفة خليفة في خاطره: أففف هاي شو تبا الحين، يعني الريال ما يباها، شو بالغصب يرمسها؟؟!!، بخليها تولي أحسن شيء لكن شوق استمرت تتصل وتتصل، لين ما طفر خليفة و رد خليفة بعصبية: انتي شو عندج، كل شوي تتصلين، رقم جاسم وطلعتيه، شو اللي تبينه أكثر عن جي... شوق بغرور: عشان تعرف أن أي شيء أباه بوصله خليفة بعصبية: سيري لا، الغلط علي أنا اللي رديت عليج شوق: جاسم لا تبند خليفة: بلاج انتي خبلة، أنا خليفة شوق: والله آسفة، بس اسم جاسم دوم على لساني خليفة: المهم شو اللي تبينه الحين؟؟ شوق: أباك بموضوع وايد مهم خليفة: أكيد يخص جاسم شوق: انت اسمعني بالأول... سكتت شوي وبعدين قالت: انت مالك خاطر ترمس بنت حلوة وجريئة وممكن تظهر معاك متى ما بغيت خليفة مستانس: انتي متأكدة أنها ممكن تظهر معاي؟؟ شوق: مليون بالمية، بس انت قولها أن اسمك حمد وأنك انت أخوي خليفة باستغراب: وليش إن شاء الله؟؟ شوق: البنت تبا ترمس أي واحد،... وبطنازة: أووو سوري على فكرة هي مب بنت، لأنها ظهرت قبل مع واحد خليفة يضحك: والله هذا عز الطلب شوق تضحك: المهم هالبنت مثل ما قلتلك تبا ترمس أي واحد، وأنا قلتلها بخليج ترمسين أخوي وهي راضية، وأخوي اسمه حمد و خليفة يقاطعها: خلاص فهمت عليج، بس هي في مرة جافت أخوج؟؟... شوق وهي تجذب: لا، ولا يخصها فيه، البنت ما تفرق معاها، بس تبا ترمس وتظهر، على قولتها تبا تعيش خليفة: امممم هالبنت مواطنة؟؟ شوق: هيه مواطنة، وعمرها 18 سنة، يعني قدنا خليفة: اممم أنا الصراحة موافق، بس أكيد انتي تبين مقابل على هالخدمة، صح؟؟ شوق: بالضبط واللي أباه منك مب وايد صعب، أبا أعرف أخبار جاسم أول بأول، كل مكان بيظهر له أبا أعرفه، وبعد أبا رقم البنت اللي يرمسها... خليفة: جوفي أنا مستعد أساعدج بالطلب الأولي وأييب لج كل أخبار جاسم، لكن سمحيلي بالثانية شوق بضيج: ليــــــش؟؟!!! خليفة: اللي ترمسين عنها ممكن تصير حرمة جاسم، مب متأكد، بس في احتمال، ومهما يكون أنا مستحيل أبيع ولد عمي شوق: أنا بسويلك كل شيء تباه، وبدل البنت مستعدة أييب لك مليون وحدة " صرنا بزمن البنات فيه يبيعون أعراض بعض" خليفة: السموحة منج شوق، ماقدر أساعدج بالموضوع الثاني شوق: انزين قولي شو تعرف عن هاي اللي اسمها فجر؟؟ خليفة باستغراب: وكيف عرفتي أن اسمها فجر؟؟ شوق: مب مهم كيف، المهم قولي شو تعرف عنها خليفة: مب وايد، مثل ما قلتي اسمها فجر، ومن راس الخيمة ونفس الشيء بعد ثانوية عامة شوق: حلوة؟؟ خليفة يضحك: ولا مرة جفتها شوق: انزين جاسم شو يقول عنها حلوة؟؟ خليفة: ولا حتى جاسم، ولا مرة جافها شوق باستغراب: معقولة؟؟ خليفة: والله هذا اللي فهمته من جاسم شوق: الظاهر هالبنت مجرد محطة بيوقف عليها جاسم، وبعدين بيطبها... خليفة: ما علينا ممكن تعطيني رقم البنت اللي تبا ترمسني... شوق: بعطيك الرقم بس لا تتصل عليها، إلا لما هي تتصل خليفة: ولو ماتصلت حضرة ملكة الجمال شوق تضحك: صدقني اليوم أو باجر بتجوفها تتصل خليفة: انزين شو اسمها؟؟ شوق: ألحان!!! عند بشرى فجر عند بشرى في بيتهم فجر وهي معصبة: انتي ليش ما قلتيلي من قبل، أنج سايرة تواعدين فيصل، حسستيني أني مثل الأطرش بالزفة، سايرة على نياتي ومادري عن شيء؟؟!!! بشرى بارتباك: اممم صدقيني ما كنت مواعدة حد، الموضوع كله صار صدفة... فجر: لا والله، عيل بالذمة كيف عرف شكلج؟؟ بشرى: الصراحة أنا كنت مطرشة له صورتي من فترة، وما حبيت أخبرج، عشان ما تزعلين مني، وبعدين فيصل أربع وعشرين ساعة مطيح بالمنار، عشان جي أول ما جافني ياه وسلم علي فجر ساكتة بشرى: غريبة توقعتج بتتضايجين يوم تعرفين أني أنا مطرشة له صورتي فجر بحزن: حتى أنا!!! بشرى بصدمة: تقصدين أنج انتي طرشتي صورتج حق جاسم؟؟ فجر وهي تصيح: كان غصبا عني، والله غصبا عني، كسر خاطري يومها، فاضطريت أني أطرش له صورتي، وكان آخر يوم رمسته فيه... سكتت شوي وبعدين قالت: معقولة طحت من عيون جاسم يوم طرشت له صورتي، أو يمكن صورتي ما عيبته عشان جي ماتصل علي حتى الحين بشرى: يا مينونة لا هذا ولا ذاك، يعني هو اللي طلب منج تطرشين له صورتج، فكيف بتطيحين من عينه؟؟، وبعدين انتي ما شاء الله عليج حلوة، كيف يعني ما عيبتيه... فجر تصيح: عيل ليش ماتصل فيني للحين؟؟، والله أحس عمري بموت يا بشرى، جاسم هو اللي أعطاني الأمل بعد ما فقدته، هو اللي خلى لحياتي طعم بعد وفاة يدي، هو كان كل شيء بحياتي، صحيح أني ما رمسته فترة طويله، بس أحبه والله أحبه يا بشرى... شاعرنا فزاع بشعره قال حد منكم حب في ثلاث أيام أرد وأقول أنا حبيت في ساعة ومدري شو الأسباب حبيتك بوفاء وعشقتك بجنون ولا حتى في الأحـــلام حبيتك حب الأم وهي تحضن رضيعها ساعة الإنجاب بشرى: حبيبتي عشان خاطري لا تصيحين، وبعدين لا تنسين يا حلوة باجر عيد ميلادج، وانتي للحين ما سويتي شيء حق الحفلة... فجر بعدم مبالاة: والله، باجرعيد ميلادي، تصدقين أني ناسية بشرى تضحك: فديتج لو انتي تنسين أنا مستحيل أنسى، المهم بتعزمين منو على الحفلة؟؟ فجر بحزن: بس أنا ما بسوي حفلة ولا يهمني هالعيد الميلاد بشرى باستغراب: انتي ترمسين جد، كل هذا عشان جاسم للحين ماتصل فيج!!! فجر: بشرى افهميني، منو بالذمة رح ييي الحفلة، عبير ما ترمسني، ونورة مشغولة بالتجهيز لملجتها، حتى لو ما كانت عندها ملجة مستحيل تيي، لأنج مثل تدرين هي ما تحب هالسوالف، وباجي البنات الكل يحاتي النسبة ويالس على أعصابه، يعني ما حد متفيج لي ... سكتت شوي وبعدين قالت: هذا أول عيد ميلاد يمر علي من غير يدي الله يرحمه، عسبة جي يمكن مب حاسة فيه... بشرى: أنا متأكدة لو كنتي ترمسين جاسم مثل أول، كنتي بتسوين الحفلة وبتستانسين فجر: خلاص يا بشرى سكري ع الموضوع، أنا بسير بيتنا الحين بشرى: ليش تو الناس فجر: لا ماقدر أطول أكثر عن جي بشرى: منو بيوصلج؟؟ فجر: الحين بتصل على أخوي خالد بشرى: تحملي على عمرج أوكي فجر: إن شاء الله وانتي بعد بعد ما سارت فجر بيتهم بشرى في خاطرها: والله طلعتي مب هينة يا فجور، من وراي تطرشين صور، الصراحة ما توقعت الأمور تتطور جي... .................................................. ......................... عند شوق شوق طالعة من غرفتها ولابسة عباتها حمد أخوها: على وين إن شاء الله؟؟ شوق: هلا حمد، أنا بسير عند ربيعتي ألحان، يحليلها شوي تعبانة... حمد: الله يشافيها، بس تعرفين ربيعتج هاي مول مارتاح لها شوق تضحك شوق: حمد قبل ما أنسى، أنا ودي أفتح ملف حمد: عشان السواقة شوق: هيه حمد: انتي كملتي 18 سنة؟؟ شوق تضحك: هيه من زماااااااااان حمد: خلاص عيل، خلي النسبة تطلع وأنا بقنع الوالد أن يفتح لج الملف شوق: مشكور أخوي، بس أنا ضامنة موافقة الوالد، كنت أحاتي بس موافقتك انت حمد: أكيـــــد بوافق، أهم شيء عندي أنج تكوني مستانسة، وأحلى يوم بحياتي يا شوق يوم بجوفج عروس وحذالج ريلج شوق وبدت تحس بغصة بداخلها، لكنها تصنعت الإبتسامة وظهرت شوق في السيارة، طبعا الدريول هو اللي كان موصلها شوق في خاطرها: تبا تجوفني عروس يا أخوي، آآآآآآآخ بس يا حمد، لو تعرف باللي فيني..... وشوي وجنها تذكرت ألحان: سوري يا ألحان، أنا ماودي أضرج، لكن عشان جاسم بسوي أي شيء، وهاي الدنيا الفوز للأقوى... الدريول: ماما هذا بيت صديق مال انت شوق توها طلعت من سرحانها: أوكي، تعال بعد ساعة الدريول: أوكي ماما نزلت شوق من السيارة وسارت حق ألحان بعد السلام والسوالف شوق: شو رايج؟؟؟ ألحان مستانسة: ماصدق، يعني أخوج بروحه قال يبا رقمي...؟؟ شوق: هيه بلاج، خليج ثجيلة شوي ألحان: غريبة، ما توقعت أخوج بيطلب رقمي شوق: هو صراحة يبا يتعرف عليج أكثر وأكثر وبعدين يخطبج ألحان: يا سلام، حدي مستانسة يا شوق والله تستاهلين بوسة شوق تضحك: والله أنج هبلة وبجدية قالت: عاد لا تكوني خفيفة على أخوي، يعني لو قالج يبا يجوفج لا توافقين بسرعة، تريي أربع خمس أشهر، عشان يعرف أنج مب مثل بنات هاليومين ألحان: ليش ...هو بيخطبني بعد أربع أو خمس أشهر؟؟ شوق بارتباك: مب هذا القصد، بس انتي تعرفين، أخوي يالس يتريا البيت، والبيت بعده ما خلص ألحان: أي بيت هذا اللي ترمسين عنه، وانتوا ما شاء الله الفلة اللي تعيشون فيها تكفي زوجته وعياله وعيال عياله شوق: بلاج اذكري ربج، وبهدوء: افهميني يا ألحان، أخوي مقدم على بيت من الحكومة، هو يبا يحس بالإستقلالية في بيته، بس عشان جي، وإلا انتي تبين أمي بعدين تتحكم فيكم عالطالعة والنازلة ألحان وجنها اقتنعت: صح كلامج، مع أن كان خاطري أنا وانتي نعيش بنفس البيت شوق تضحك: هالشيء بيصير يوم بندش الجامعة، بنكون بنفس الغرفة ألحان: لا تذكريني بروحي زايغة من النتايج... شوق ما تحب ترمس عن المدرسة والامتحانات، عسبة جي سيدة غيرت الموضوع شوق: قبل ما أنسى أبا أقولج شيء ألحان: شو... شوق: يوم تيين بيتنا، لا تتضايجين من أخوي لو صدج، ترى هو عالطبيعة يستحي وايد، بس ع التلفون عادي بيسولف معاج ألحان: أخاف يا شوق أنج انتي اللي أقنعتيه ياخذ رقمي وإلا هو ماله خاطر فيني مولية شوق: يا هبلة، هو يحبج بس يستحي يصارحج، وعلى فكرة هو اللي قالي سيري حق ربيعتج ألحان، لأنها من زمان ما صارت تيي البيت ألحان: شو قلتي ، حمد يحبني؟؟ شوق بعدم مبالاة: هيه يحبج، المهم خذي هالرقم واتصلي عليه، ومثل ما قلتلج خلج ثجيلة عليه شوي ألحان وهي حدها طايرة من الفرح: فديتج شوق، مشكورة يا أحلى صديقة بهالكون، وأخيرا بديت أحس بالأمل بعد سالفة الحقير سليمان... شوق في خاطرها: آسفة يا ألحان، ما كان ودي أسوي هالشيء، بس مستحيل أخلي أخوي ياخذ وحدة شراتج في اليوم الثاني كان عيد ميلاد فجر الثامن عشر، طبعا الوحيدة اللي اتصلت فيها وباركت لها، كانت بس بشرى... فجر وهي تحضن روميتو وتصيح: هذا أول عيد ميلاد ماحس فيه مولية، بالعادة كل سنة حفلة وضحك ووناسة،آآآآآآآخ يا يدي والله أني وايد محتاية لك وايد، وينك عن دنيتي اليوم، وانتي يا عبير معقولة نسيتي هاليوم، كنتي أول وحدة تتصلين علي، حتى من قبل ما تدق الساعة 12 وتباركين لي، ليش بس تغيرتي علي، كيف هانت عليج العشرة، وانت يا جاسم، قلتلي قبل أنك بتكتب لي قصيدة بهاليوم، والحين مافتكرت فيني ولا بمسج... الظاهر خلاص انكتب علي العذاب طول العمر أما عبير وضعها ما كان أحسن عن فجر، كانت طول الوقت تحس بتأنيب الضمير صوب فجر، وكل شوي تسترجع ذكرياتها مع فجر وتصيح، حتى الدموع ملت منها عبير في خاطرها: صدقيني يا فجر ودي أتصل عليج وأبارك لج بعيد ميلادج، ودي أقولج كل عام وانتي بخير يا أغلى صديقة بهالكون، لكن أمل لو درت والله بتودرني، صحيح أني أعزج واااااااايد يا فجر، لكن ماعرف ماقدر أعيش من غير أمل، والله بديت أشك أن أمل مسوية لي سحر، وايد أحبج يا أمل، بس آآآآآآآآخ يا أمل لو تحسين بالحزن اللي أنا أحس فيه... بس كيف ممكن تحسين يا أمل وانتي ما تربيتي مع أم... .................................................. .............................. في حفلة ملجة نورة طبعا نورة كانت هي قمر الحفل، كانت ما شاء الله عليها وايد حلوة، خاصة مع الميكب والفستان السماوي... فجر وبشرى وجم من وحدة من ربيعات نورة كانوا موجودين، خاصة أن الحفلة كانت نوعا ما عائلية وحق المقربات بس... فجر بدت تسرح بعالم الخيال، وتتخيل عمرها بمكان نورة وحذالها جاسم " جاسم: فديتج يا أحلى عروس، ما تتخيلين شكثر ترييت هاليوم؟؟ فجر منزلة راسها ومستحية جاسم يرفع لها راسها: أحبج فجر: وأنا بعد جاسم: أوعدج وعد أني بسعدج طول العمر، ربي لا يحرمني منج يالغالية فجر: ولا يحرمني منك، صدقني عمري ما بزعلك" بشرى: فجر وين سرتي؟؟ فجر انتبهت للواقع بشرى: بلاج؟؟ فجر وهي تمسح دمعة خذلتها: لا ما شيء بشرى: تفكرين بجاسم؟؟ فجر: دخيلج غيري الموضوع بشرى: أوكي، خلينا الحين نسير نسلم على نورة فجر: أوكي بعد مرو فترة عبير تعبت عليهم وااااااايد، وودوها المستشفى، طبعا آلام الكلى بدت تزيد عليها وايد، والدكتور قال حق أهلها أنها المفروض تظل معاهم فترة معية تحت الملاحظة، لأن الإلتهابات صارت وايد حادة، وبهالفترة ما حد زارها غير نورة وطبعا أهلها، أما بالنسبة لأمل فهي سارت لها يوم واحد وظلت معاها أقل من عشر دقايق... عبير بصوت تعبان: جفتي يا نورة، ما حد من البنات افتكر فيني وزارني نورة: حبيبتي لا تقولين أي شيء، فكري بس بصحتج، الدكتور قال أن الحالة النفسية لها دور بزيادة الآلام عليج... عبير: انتي تزوريني بس عشان تكسبين فيني أجر، صح؟؟ مب عشاني أنا نورة باستغراب: انتي ليش تقولين جي؟؟ عبير: أنا ما ييت ملجتج، ولا أتصل عليج وايد، أنا بالأساس مب وايد معاج، ومع هذا كل شوي تزوريني نورة: جوفي يالغالية، الإنسان ممكن يكسب الأجر بمليون طريقة، مب بس عن طريق زيارة المريض، ولو ما كنتي غالية علي، كنت بزورج يوم واحد وبعدين بطمن عليج بالفون، بس صدقيني انتي ربيعتي وغالية علي، ولا تنسين أن نحن كنا واااااايد مع بعض أيام الإبتدائي، وكافي أن نحن درسنا 12 سنة بنفس المدارس... عبير وهي تصيح: عيل ليش الكل تخلى عني، ليــــــش.؟؟ " تسألين ليش تخلوا عنج يا عبير، مب انتي اللي بديتي وتخليتي عن أقرب صديقة لج" نورة: لو تقصدين فجر، فهي ما تعرف أنج مريضة، وأنا متأكدة من هالشيء، اممم شو رايج أتصل عليها؟؟ عبير: تتصلين بفجر؟؟ نورة: هيه أتصل على فجر، وتأكدي يا عبير أنها بمجرد ما تسمع الخبر بتيي لج ركض عبيرفي خاطرها: ذاك أول يا نورة، بعد اللي سويته بفجر، مستحيل حتى تتذكرني بتلفون نورة: شو قلتي أتصل عليها؟؟ عبير: لا نورة: ليش انزين؟؟ عبير: أنا جي عندي أمل أن فجر ممكن تيي تزورني، لكن لو انتي اتصلتي عليها، فأنا بفقد الأمل يوم بسمع أنها ما تبا تجوفني نورة: انتي خاطرج تجوفينها عبير وهي تصيح: واااااااااايد وااااااااايد يا نورة نورة في خاطرها: ماله داعي أسمع رمسة عبير، أحسن شيء أتصل بفجر من غير ما أقول حق عبير، يا ليت بس لو يتصالحون يا ليت، حرام صداقة مثل صداقتهم القوية تنتهي بهالسرعة نورة: عبير أنا شوي بسير الحمام " الله يعزكم" عبير: أوكي وظهرت نورة برع الغرفة واتصلت على فجر وخبرتها كل شيء عن عبير فجر وهي تصيح: حرام عليج يا نورة ليش ما خبرتيني من قبل نورة: الصراحة عبير كانت خايفة أنج ما تيين عسبة جي ما كانت تبا تفقد الأمل بييتج فجر: ومن متى وهي بالمستشفى؟؟ نورة: من ثلاث أيام تقريبا فجر: الله يسامحج يا نورة، من ثلاث أيام والحين ياية تخبريني نورة: سمحيلي والله، بس أنا خفت أخبرج وتزعل مني عبير فجر: الحين بتصل مع بشرى وبيي إن شاء الله نورة: أوكي، الله يحفظج واتصلت فجر على بشرى فجر: دخيلج بشورة خلينا نسير لها بشرى: تبين تسيرين سيري لها بروحج، أنا مالي خاطر أجوفها... فجر: بشورة بليز عشان خاطري بشرى بعصبية: انتي شو ما عندج كرامة، كل شيء سوته فيج عبير وتبين تسيرين لها بعد فجر معصبة: شو كرامة ما كرامة، رسولنا وصانا بزيارة المريض، فكيف لو كان هالمريض شخص غالي علي، بشور ترى عبير مو بس ربيعتي، عبير ربيعتي وإختي وتوأمي، مستحيل أدري أنها بهالحالة وماسير لها بشرى وشوي بدت تحس بالغيرة: قلتلج تبين تسيرين سيري لها بروحج، أما أنا مابا فجر: الخلاف كان بيني وبين عبير، انتي ليش ما تبين تسيرين لها، شو ما عندج إحساس مولية بشرى باستغراب: فجر!! فجر وهي تصيح: خلاص يا بشرى، كيفج لا تسيرين بشرى: خلاص فجور لا تصيحين، أنا بسير معاج، بس صدقيني كنت خايفة عليج أنج تجوفين أمل هناك وتعق عليج جم من كلمة فجر: لا عادي مب مشكلة، كل شيء عشان عبير يهون، الحين أنا بمر عليج وبنسير مع بعض بشرى بضيج: أوكي فجر طول الوقت في السيارة وهي تفكر بصديقة عمرها عبير، ويالسة تدعي لها من خاطرها أن الله يشافيها، أما بالنسبة لبشرى أبد كانت مب مهتمة، حتى أنها حاطة فل ميكب وهي سايرة حق عبير في المستشفى فجر جافت نورة فجر وهي تصيح: وين عبير؟؟ نورة وهي تأشر بإيدها: بهاي الغرفة اللي حذالج ===== التوقيع :