اقتباس المشاركة الأصلية كتبت بواسطة خالد السنحاني مساء \صباح الخيرات للجميع هذي قصيده تحكي واقع لابن اخي العود حيث ان والده مسجون منذ سبع سنوات وامه توفيت بحاذث معلمات باحدى الهجر وبقي بين نارين من الفراق واترككم مع القصيده في نهار العيد افراح ومسرات وتهاني=وبسمتن بانت بكل الناس تعلن عن رضاها فيه ننسى الهم لو كانه ورى سور المحاني=وفيه ننسى من صلف دنيا تعني من وطاها ويتحقق فيه حاجه نعتبرها م التماني=اجتماع اقراب واصحابن لهينا عن لقاها كنت سالي لين صوت الحزن بالعبره دعاني=من غرير هلت عيونه من الدمعات ماها قال ياعمي صدوف الوقت للضيق تحداني=والامل نسمع بشمسه بس ماشفنا سناها ماتت امي ما بعد كلمت من عمري ثماني=ارحلت عني وخلتني على الذكرى وراها كل ماجتني بوسط الحلم نومي ماهناني=اتذكر يوم تزهمني وان اتجاهل حكاها واتذكر يوم ضمتني بيدين الحناني=والجسد لاحتر يبرد والسبب صافي بكاها تتعب وتسهر وتشقي نفسها كله لشاني=تبغي الراحه لعيني لو تزايد في عناها ودي انها قدم عيني كان ما بشكي واعاني=لو لقيت الحب منكم مايكفيني سواها ووالدي خلف السجن والقيد والحارس مداني=مرته سبعن عجافن يحرقه لاهب لظاها كم تمنى شوفتي في غير حال ولا لقاني=يحتري ساعة فرج مبطي ويامثقل خطاها لاتعاتبني اذ قلت الزمن ضدي اناني=كم طعن كبدي بضيقاته وياكم قد كواها قلتله هون وذا حال الياللي والزماني=والبشر يخلف هقاويها ولا تلقى مناها والله ان الهم في قلبي بلا قيد وعناني=يدرج في داخله والنفس زود من شقاها باذن ربي يجمعك بامك بروضات الجناني=بعد ماتقنع من الدنيا وتقطف من جناها واطلبه يفرج عن المسجون وتصبح شخص ثاني= تغمرك فرحه رجوعه لين توصل بك مداها وتضحك سنينك وتضحك خاطرك وتصير هاني= وتناسى من كدرها يوم تبديلك حلاها امسح دموعك وقوم افرح مدام العمر فاني=لاتفوتك ساعة الفرحه ولاتنظر وراها خالد السنحاني ,,,, صح اللسااااانك ولاااااهنت وسلمت ودمت شامخه ياخالد مشاء الله تبارك الرحمن اسعدني وشرفني كوني اول المارين بها دمت شاعر متميز تقبل مروري المتواضع حفظك الله