[محمــد القعـيقعي]

بسم الله الرحمن الرحيم !!!وبعد
الســــلام عليكم
هذي محاوره شعريه بيني وبين الجمس !!!!!!!!!اللي صار ان الجمس تغلب علي ياقهري والمفروض ماانشرها بس الشكوى لله قلت الاخوان لازم يشوفنها ويتمتعون خلونا نشوف اللي حصــل:
هذا وانا في احد المعارض شدي منظر جمس كان واقف ومعروض للبيع المهم من دون لا اشعر بنفسي اخذتني القريحه الشعريه لدرجه اني وقفت عند كبوته واسترسل اللهام الشعر فيني وقلــت:[poet font="Arabic Transparent,5,white,bold,italic" bkcolor="transparent" bkimage="backgrounds/21.gif" border="none,4,gray" type=2 line=200% align=center use=ex length=0 char="" num="0,black" filter=""]
ياجمس ياللي في سرى الليل مشهور "="سبوك ناس وتمدحك فيك ناسي
واحد يقول الجمس يصبر على الجور"="واحد يقول الجمس راعي عكاسي
والتجربه ياجمس عن كل دكتور"="وأبغــىعلــيك ادور قعب المماسي
امارجعت وقلت ياجمس مشكور "="اواني قلت ياجمس خايب وخاسي

ردالجمس:اللي ذكرني بطيب العلم مشكور"="وكلٍ ذكر ماواجهه من جناسي
ان دق سلفي والمكينه بها سيور "="طار الغبار اللي تشوفه دماسي
وأوزن هواي وظبطه عند مامور "="وعلم راعي الورشه يظبط قياسي
والسوق فن وذوق لاتصير مغرور "="واحذر تهبد بلفرمله وانت ناسي
ماني عراوي ترتعش من هوى المور "="اللي مع اللفه يجيها التماسي
وواسر علي وولع السقف والنور "="ان كان يالسواق مابك نعاسي
تاصل على مقصد والبال مسرور "="ويظهر لك البرهان كانك سياسي

فيما بعد قلنـا:انا شريتك يوم شاورت بك شور "="ياليتني خليت شوري براسي
الشمس غابت وان بارك على الدور "="واحرجتني بين الجبال الرواسي
ماكن بك قير ولا فيك ماطور "="ويبست حلقي بلقطيعه يباسي
والله لبيعك بيعتن مابها شور"="لانك على ماقيل خايب وخاسي
واكتب لك السودا على معرض النور "="ووزع النشرات فوق الكراسي
ردالجمس:أنشهد اني وافي مابي قصور"="مير الغشامه فيك زادت حساسي
ذبحتني بالكذب والظلم والزور "="وفضحتني باناس وارخيت باسي
بعني وفارقني وانا منك مسرور"="وعليك بددسن بقيمه طفاسي
فيك الغشامه والجهل لاعبه دور"="لاواخساره مستواك الدراسي
[/poet]

اخوكم :صـــادق الجمس اسف اقصد
صــادق الكلمه