ما قلت لك إن الجفا
يزرع الشك
والشك ما بين المحبين
فرقى
وما قلت لك إن البطى
داء به فتك
فتك القلوب العاشقه
وأنت أدرى
وما قلت لك إن التملك بلا صك
مثل الذي يحلم ولا راد يصحى
وقد قلت لك
إني من العام منْدك
دك الضلوع
اللي غدت منك طحنى
وش حيلتي
لا صرت مغرم ومنهك
أتبعتني يا زين
من كثر ما أرقى
أرقى على نجم الثريا أبي عنك
ايّـة خبر أو علم أو ذِكر يطرى
خليتني
ما بين ناسي مشبّك
نحل الكفوف
وحالتي منك ترثى
وخليتني آقف على الباب وأنشدك
وأدري خيالي
يرسم الباب رسما
ما عدت ادري وين بلقاك وأعزمك
وأعلمك باللي عن العين ... يخفى
شيّن بوسط الجوف هو دوم ينشدك
ولا زاد شوقه
شب فيني ولا أرخى
أنتي جميله صح .. هذي بلا شك
من شافكِ يسكر بليّات خمرا
وأنتي عريبة جد
ناشد أنا عنك
من راس قومٍ دايم الدوم تطرى
لكن تلطف
بالذي غادين سلك
من كثر ما حبك بصمته وجهرا