تدري وش اللي يجرح القلب جرحين
ويمدحبل الحزن فيك ويشده
انك تناظر طفل من غير ابوين
يمشي ودمعه سايل فوق خده
منظر صعيب ويقسم القلب قسمين
لا قام يمسح دمعه بكف يده
يمشي ولا يدري طريقه وين
لين التعب من كثر ماتاه هده
اثقل حروف يشيلها فيه حرفين
لا اب يدري به ولاام ترده
في خطوته رحلة دمعه وسكين
وحظ توسد بالمراسي مخده
جيت اساله بالله قللي ولد مين
بغى يجاوب..واختنق صوت رده
انا يتم ومالدربي عناوين
وجزر الحزن فيني يساوي لمده
وطعم الطفوله ماعرفته لحين
وثوب السعاده صرت ماني بقده
ابكيا لي من شفت غيري سعيدين
لين البكاء فيني يوصل لحده
واقفى ورحت امسح دموعي من العين
وعيني تناظر دمعته فو ق خده
وهذا اللييجرح القلب جرحين
ويمد حبل الحزن فيك ويشده