كتبتك شوق...من شفت الفراق بعمري ياكبره
........................ مو مثل اللي يقول لا انتي ولا غيرك تذليني
مو انتي العز ..ولو مانتي اقول انتي ترى وكره
........................ اصيله والاصيله...ما خلقها الله توطيني
واذا ردت على العز الكريم.. ودوره وصقره
........................ انا ليه احلف وانتي...تشوفينه بجناحيني؟
ياااا الله وانتي بعيون المسا..و بهذا المسا قمره
........................ قريبة حيل..في اسود عيون انتي تضميني
في بعض احيان تكوني داخل ضلوع الغلا جمرة
........................ وكل هذا الوله كل ماهب من عيونك حرقتيني
وفي بعض احيان تكوني داخل اشواق العمر زهرة
........................ عشان الزهرة لو تموت تموت و عطرها فيني
احبك ينثني......هذا الكلام ويرتفع قدره
........................ احبك يرتعش هذا النجم ...يتشكل بطيني
احبك نور في هذا المسا..واضوي على بحره
........................ احبك لاتخلين الفراق...امواجه تمحيني
بغيت اقول شي لكن..و انسي بس على فكره
........................ هي الحريه اني اختار قديك وادخل يديني
وانا اخترتك...وخليني على كفينك الشعره
........................ اقولك شي؟ ( ترى فدوه حياتي لو قطعتيني)