المصايب ماتجيك الا مـن النـاس القـراب
وبهالزمن حتى الخوي اللي تثق فيه احـذره
لابارك الله في رفيقن تزعله كلمـة اعتـاب
ولا جمع الله الرجـال اللـي تفرقهـم مـره
الصاحب اللي مايجي من صحبته غير العذاب
نذرا علي ان ماهجرني ولا انا اللي بهجـره
من يفتح لفرقاي باب افكلـه عشريـن بـاب
واذا خويـي مايقـدر خـوتـي مـاقـدره
ان روحوا فانا بريا منهـم ليـوم الحسـاب
وان جرحوا قولولهم ماحركوا فينـي شعـره
شفهم لهم حول السنه ولا خذوا مني جـواب
احسن دوى للي يحـاول يستفـزك تحقـره
تجرعت الضما لين احتـرق وجهـي وذاب
انا كسرت بخاطري قبل الصداقـه تكسـره
انا خسرت اللي غيابه غير عن كل الغيـاب
انـا غفـرت لعالمـا ماتستحـق المغفـره
انا اكبر انسان تعلم من كثر مخطأ وصـاب
انا اخر انسان يتكلـم فـي زمـان الثرثـره
انا القصيد اللي نزع من دفتره مليون نـاب
وانا الوحيد اللي جمع مليون نـاب بدفتـره