تبت يدين ام المشاعـر علـى شـان
اعرف وش الفـرق الكبيـر بزمانـي
لا صرت انا انسان و اعامل انسـان
ليـه العـواذل تنقهـر مـن حنانـي
و ان جيت طيّب و اكثر الوقت زعلان
يمكن احب اعيـش لحظـه عشانـي
و يمكن على شاني على الدين يا فلان
ضاقت علي الارض و اصبحت جاني
تعال يا صمـت الزمـن وقّـف الان
هنـا هنـا بيـن القلـم و المحانـي
شفني كتبتك كيف و الـراس طنيـان
يومك معـي و تحبنـي و تعصانـي
تدري وش اكبر مشكله(حب خـوان)
لا صرت طيّـب لازم انـك تعانـي
و الموت و الصدمه ترا بعض الاحيان
لا خنت لحظه به وفالـك انانـي!!!!
هنا تعـرف النقـص يذبـح اذا بـان
و هنا تمـوت المسألـه فـي ثوانـي
و هنا يضيع الشعر بعيون الاحـزان
و يضيق حرف الحب و ابقا مكانـي
أقول لك تبّت يـد القلـب يـا فـلان
ليه الوفا وجهـا" طوتـه الامانـي!!!
الشاعر.. رحيــل الوهــبي