يا قلبي اكتب أبياتي أنا ذقت العـذاب ألـوان
حياتي تكسر الخاطـر وقلبـي مـل كتمانـه
رسمنا للغلا بسمة و صرنا بالهـوى خـلان
تسليني واسليهـا وعـروق القلـب رويانـه
خبرها جاني و قالوا تعالوا شيلـوا الجثمـان
عطوني بس شيلتها ودموع العيـن غرقانـه
يا ربي انزل الرحمة على قبر يضـم إنسـان
توفت وانتثـر دمعـي وقلبـي ثـار بركانـه
في أمان الله ودعته قبل ما يلبسـه الأكفـان
حفرت القبر بيديني ورخيت احبـال جثمانـه
و مليت القبر من دمعي و ضميته و أنا ولهان
ياربي لاتعذبها عسـى الفـردوس مسكانـه
بكت لي طفلة صغيرة مثل وردة بـلا بستـان
تناضرني وتسألنـي ولـو ماينطـق لسانـي
يبه بالله ابي أمي أحـس إن الفضـا بركـان
انا منهو يربينـي وانـام اسنيـن بحضانـه
يبه ارجوك طمني احس ان خاطري حيـران
اعيش بغرفتي وحد مـع اللوعـات سهرانـه
يابنتي لا تعنينـي أنـا مثلـك بـلا عنـوان
حزين وضايقن صدري وحياتي مالهـا خانـه
ألا يالله يالمعبود رجيتـك ياعضيـم الشـان
تخفف من معناتي خفوقـي طالـت احزانـه
أنا ماعاد لي قدره . أبرجي رحمـة الرحمـن
ربٍ عالـيٍ قـدره الـه الخلـق سبحـانـه