صباح الخير لقلوبكم
يووه وحشني بيتي أحس من زمان عنه
بس عاد تعرفون مشاغل وبزينس لزوم
نفكر بالمستقبل <<برآآآ بليز
هالسميستر مره كئيب ومتعب:(
ومواد صعبه ومؤلمه كثير مواد
حذوفها زميلاتي وانا ماحذفت
جلست معهم انواع ابو الأحباط
ملاك احذفي ترآ بتندمين وتشوفين
كيف اخر الترم تلاقين بالنتيجه حقتك حرف .. هـ
انا فال الله ولا فالكم وبعدين ماقدر احذف
ولا اسوي شي لمن أستشير بابا^_^
وحده من البنات انتي متى بتكبرين
أبوك وش دخله انتي الي تدرسين ولا اهو
انا ناظرتها بنظرتي المعتاده*_*: قلت والله انا ماأسوي شي لمن أستشيره هذا ابوي
زميلتي: ادري انه أبوك بس لو حذفتي وش بيدريه
انا: يعني وشوأخبي عليه سوري حبيبتي نصيحتك ماأقبلها ولاأبيها وفريها لك
أبوي لازم أدخله بكل امر يخصني عن أذنكم بنات بروح للماحضره
زميلتي الثانيه : موب لازم تحضرين أجلسي معنا
انا: المحاضره اهم منكم <<<ماتعرف تجامل^_^
زميلتي ياختي كلنا موصلين الحرمان ونغيب نبي نجلس مع بعض
وانتي ولا محاضره عندك غياب كلها تحضرين ماقد غبتي ابد الا مره وجبتي عذر
انا: يمه منك قولي مشاءالله بسم الله علي وجع بعين اليهود^_^
زميلتي : ملاك غيبي وأجلسي معنا والله تغير جو
انا: لاأسفه هالمحاضرات مهمه ويتكلمون عن الأختبارات انتم يمديني عليكم
باي صبايا
وحضرت طبعاً وجيتهم أخر الدوام وقلت يالله انا بطلع تامرون شي
صاحبتي : ملاك اجلسي شوي
انا: وهالجامعه تهيء احد يجلس فيها كلها على بعضها حتى بناتها كئيبات
صاحبتي: بنات كننا انسبينا
انا : هههههههههههههههههههههههههههه
لا لا موأسبكم بس من جد شوفي يجبون المرض ويع قومو بس خل نطلع وش مصبركم
عالحر وطلعنا وخلص يوم الأربعا
بكثير من شعور الطفش والملل
وبأمنيه يخلص هالسمستر بسرعه وعلى خير
:(