اقتباس المشاركة الأصلية كتبت بواسطة فهد الفريدي لاضاق صدرك وابتدا داخلك همً=وشح الزمان وصرت بالحيل مرتاب وصار الملل في داخلك كنه اليمً =حتى عيونك للنظر صارت اغراب ارفع يديك لكاشف الضر والغمً=ماخاب من وجًه له ايديه طلاب الواحد اللي بالمخاليق يعلمً=هو الذي لاضقت يفتح لك ابواب لامن عطا من غير كيف ٍ ولاكمً=ماشحًت ايدينه على مذنب ٍ تاب يغفر ذنوب العبد لوهي تردمً=ويستر خفا ذنب ٍ على صاحبه عاب والنفس للانسان تسقيه علقمً=ومن لانهى نفسه عن الشر ماصاب كم واحد ٍ باسباب نفسه تندمً=ماينفعه دمع ٍ على العين سكاب ياقارئ الابيات تكفى !! وقل تمً=خالف هوى نفسك ترى قدمك حساب من قبل لاترحل لــ/قبر ٍ اظلمً=تبقى وحيد ٍ ملتوي فوقك الداب داب ٍ اذا ضمك ظلوعك تحطمً=ضمه ..ماهي ضمة قريبين واصحاب في ساعة ٍ فيها القبر كله اعتمً=شي ٍ مخيف وكل من حولك اغراب يالادمي بادر على الخير واغنمً=اغنم حياتك قبل تفريق الاحباب ترى الحياة اللي بها موت ٍ وغمً=واجل ٍ بها لو طال محدود بكتاب واللي خلق ياناس بعروقنا دمً=هذي حياة ٍ مابها غير الاتعاب وسلامتكم ,,,, فهد الفريدي (طع شوري ) الله .. الله .. عليك .. يافهد .. صح الساانك ولا هنت وااافيه من راااس وااافي .. لا عدمتك .. والمعذره على التأخير .. والسبب كبينة الاتصالات .. تقبل تحيّتي وتواضع مروري . دمت بحفظ الله ‘‘