[الجليـــــــــد]

فهد الفريدي


نورٌ لي بكل مكانٍ وزمانْ
انت والاوفياء أمثالُكْ
كن بالجوار

اقتباس المشاركة الأصلية كتبت بواسطة فهد الفريدي عند زيارتي لهذا المتصفح احس وللوهة الاولى انني في متصفح راقي ورائع يجبرك على ان تضع بصمتك متواضعه بسيطه اردت ان اضعها في تجربة / الشاعر رايد النايف ,,,, مع فائق الاحترام ياليت بعض الناس للقلب ما خج=او هو ترك قلب العنا يوم خجـه العام ما كنه على داركـم سـج=ولا اخذ وياك بالحـب سجـه يام العيون السود ياباهي الغنـج=ياللي حلاها زاهيٍ فيـه غنجـه ماتدري ان القلب من عقبكم دج=غادن لك الله كل الاوقات دجـه باسبابك (البي ام) بدلتها رنج=وش حيلة اللي راتبه قسط رنجه رجيتني يـا زيـن بغيابكـم رج=من هجركم عقلي (بدت) فيه رجه آخر لقانا العام في اول الحـج=واليوم هجرك كمل هـلال حجـه قلبي صبر عامين والثالث احتـج=برفع لكم يا قاضي العشق حجًـه

باسبابك (البي ام) بدلتها رنج
وش حيلة اللي راتبه قسط رنجه

قمّة منك وليست بغريبه
اعتذر على تاخر الرد
ولكن هالأيام المزاج (مُشْ ولابد)
سأجاريك بمتواضعه اتمنى ان ترتقي .../




وحلفت أنا ياعاصف الحب مارتج
يوم الملوّح جاه بالعقل رجّـــــــه

قد هام قلبي فيه وعيونه الدِعجْ
وقلبي معه من وين ماهو توجّهْ

أبيض وأنقى منكـ يابيّض الثلجْ
أو قوس قدّه مثل قوس الكمنجهْ

وشفته وهو .. يبيلبس وداعه السرجْ
وشفته بعد / يومه ركب فوق سرجه

والموت عقبة صار للقلب منهجْ
أمضيت لي شهـــور في حال حرجهْ

حرجه ولاظنيت أبلقاه مخــــرجْ
وخرجت ومالي دخلت عقب خرجهْ

يافهد في وعر القوافي بنا " زِجْ "
صاحبك مبطي عايمٍ كل لجّـــــهْ

الشوق ضعف ويوم الأشواق تعرجْ
هديتهم هدّت ملوك الفرنجـــــهْ

إنفخ تراب بيعمي عيونك العج
والنجـــم ..مايعشق ../ ترى النجم فرجه

وماهمني معوَجْ من ضلعٍ أعوج
لو هي من ملوك المزايين " طنجـــه "



رائد النايف







* طنجة مدينه بالمغرب تشتهر بجمال فتياتها
واي سؤال عن كلمة غامضة انا بالشوفه