حاطه يـدّهـا على خـدّهـا ــــــ بغـرور تناظـر وبنص عيـن
منغرّه بحلاها ميـن قدّهــا ــــ معاهـا حق تنغر بهالزيــن
فكـرت ألتمس مـن ودّهـا ــــــ قلت أبـي أسألهـا سؤاليـن
مشيت وأسئلتـي أردّدهــا ــــــ عشان مـابي أنحرج بعديـن
ويوم شفتهـا ذبت في خدّهـا ـــــ ليـن راح سؤالي مدري ويـن
دخت منها يلعـن أبو جدّهـا ــــــ وقلت والله انـك تـهبليـن
أنـا ارتبكت وخوفي شدّهـا ـــــ لا وما سكت قلتهـا مرتيـن
وقتها ارتجفت وخفت صدّهـا ـــــ انحـرجت وموقفي صار شيـن
أنا مدري ليه رحت عندهــا ـــــ وليه أنــا نسيت السؤاليـن
ومدري ليه ماجاني ردّهــا ـــــ وليه أنـا بس قلت كلمتيـن
ليه على الإحراج أحِدّهــا ــــــ أنا الحيـن أودّي وجهي ويـن
بسرعه قبل لا توصل حدّهـا ـــــ خلينـي أعتـذر لها الحيـن
وأقولّـهـا اني مـا أقصدهـا ـــــ ويخـلق مـن الشبه أربعيـن
وحسبي الله عـلـى خدّهــا ــــــ وحسبي الله علـى السؤاليـن