رفيعة ذوق .. قمة لاتغريّـف بـك . هبـوب النـود
ومثلك لاحضـر حفـل ٍ ردم ناسـه .. علـى ناسـه
ينادونـك .. كأنـك ماجرحتـي عيـب . أو منقـود
يا مياسه .. علـى مـن هـو تماديتـي .. يا مياسـه
على اللي مايصـدق راح همـه يـوم.. حتـى يعـود
(تجيـن انتـي تحدينـه .. علـى حبـره وقرطاسـه)
صحيح انك كريمة جرح وإلا الفـود .. مامـن فـود
تناسى لوعـة احبابـه .. لقـاك اسبـاب هوجاسـه
ياليـت الجـود بالشاعـر إليـا غنـا مـن الماجـود
وانا ماني بخيل إلسـان فيـك .. وحضرتـك ماسـه
كفـا ..قـدك تمـادى بالتثنـي .. واستبـاح الـزود
أعرف العود.. والمنبع .. عـروق الزيـن دساسـه
نعم .. ياحسنها الفتان .. أعرف إنك.. عريب جـدود
واعرف (الشي)مهما كان..لامن جـاد . مـن ساسـه
واعرفك .. لاتعطر بك عبيـر الـورد .. غـار العـود
تلثـم بـك ذعاذيـع الشمـال .. يـغـار نسنـاسـه
وأنا شاعر هبوبي صلف .. مايلجم إلسانـي .. كـود
مضاليل الجفـون اللـي شكـا منهـا القـوي باسـه
عيون وساع .. لا سلهم أشوفه شعل .. لا..لا .. سود
عجزت القـى عليهـا وصـف.. خدرانـات نعّاسـه
هدبها لا تنهّـض .. ثـم عـدّى حـده .. المعهـود
أسميها .. (علاقة مـوت) بيـن الرمـش واقواسـه
ولا والله ذبحنـي غيـر عتمـة ليلهـا ... المرجـود
على صدراً قدر يجمع .. بيـاض القطـن واجراسـه
تركت. السيف .. والدم المرتّـب.. مـن فدايـا ورود
يهـدد لونهـا الباقـي .. بيـاض خـدود حسـاسـه
وجيت .. أنصحك .. والأحباب مثل الملح .. والبارود
إليا هامت جنون .. وكـان خـان الليـل .. حراسـه
يابعض الناس .. ياخذها حيات وموت .. والمقصـود
يشيلك .. من حنان القلب ؟؟ حطك ثـأر فـي راسـه