[., {.ٍ بكِـــيتُكّ ,.]

	طفلين نتهجى حروف البدايه :: الله يامحلا سواليف الاطفال عهدي بها من قبل تلبس عبايه:: وانا بعد قبل ماالبس شماغ وعقال طفلين نتهجى حروف البدايه ::الله يامحلا سواليف الاطفال كانت لنا في كل شارع حكايه:: وكنا نقول علوم مااهيب تنقال وكنت اتقاسم مامعها معايه ::من عسكريم التوت للعلك ابوريال وكانت عكسي شاطره بالقرايه ::تقرا جزء عم وطه والانفال وانا لك الله من مواري غبايه ::مدري ابو النقطه هوالدال او الذال وكانت لابويه تشتكي من شقايه ::وتعلمه كيف اربط الباب بحبال ياما على ظهري كسر من عصايه:: يقول لي:خلك وانا ابوك رجال وامي تقول :ادع لولدك بالهدايه:: خوفي تصيبه كثرة الضرب بهبال لاشفتها من اول الدرب جايه :: مدري انا اللي ملت والالوطى مااال احس قلبي يرتجف في حشايه:: ماكنه الاالضيق لاهز فنجال ياماعن السحلي تخبت ورايه :: لاخوفوها في ثم شافت ظلال تقول:خلك ياحبيبي معايه ::واستانس العب عندها دور الابطال وغار حتى من عيون اصدقايه:: لاطالعوهاقلت:تكفون ياعيال