[قـيـس نـجـد]

بلا استثناء اشووف ردود بعض الناس يرون أن السعوديات ملكات

وان السعوديات هن بنات العز لا عندنا ناس تعاني من الفقر ومهوب عيب

واستنكر من الناس اللي تتقزز لما تشوف وحدة واقفة

عند الاشارة تطلب المساعدة انا ارى ان الشخص اللي مايوصل هالشي

للمسؤلين ولأهل القلوب الرحيمة مافيه خير لا دينه ولا لوطنه

واحنا كشعب مسلم محافظ يؤلمنا مثل هذه الاشياء ويكفي ان اللي تطلب

المساعدة امام الناس لان مالها حيلة امراءة ضعيفة وعندها اطفال يتضورون جوعاً

افضل وابرك واشرف من اللي رزقها من (......) استغفر الله

اي حنا سعوديين وهالشي اذا دل فإنما يدل على ترابطنا وتماسكنا كالبنيان يشد بعضه بعضاً

رسالة الى بعض الاخوان وهم يعرفون انفسهم اتق الله في نفسك ولايغرك النعيم اللي انت عايش

واحمد ربك واشكره واذا ماتبي تكون عون للمسكينات هذولي الزم الصمت لأنه خير لك

لا انت اللي قدمت المساعدة ولا انت اللي سكت

وتقول لاتشوهون سمعة بلدنا ياعزيزي

اغلب اهل الجنة فقرااااااااااااااااااااااااااااء

ويكفي ان فيه ناس فيها خير ونخوة لبلدها

مثل هالمذيع وغيره كثير والله يوفقهم وعساهم ع القوة

وانا اضم صوتي لصوت كل شخص فيه غيرة على

على ديرته .

وفي الختام اللهم اني استعيذك بما استعاذك به نبيك محمد

(( اللهم اني اعوذ بك من الفقر والجبن وغلبة الدين وقهر الرجال )) .

دمتم بحفظ الرحمن

قيس نجد