[مــــــدى]

اقتباس المشاركة الأصلية كتبت بواسطة ({ همس الغروب} ) ياهبايب نجد هبي على القلب الجريح ** خلي الشجره يطيحن باقي اوراقها اكشفي مستور صدرن من همومه يفيح ** فوح دلة قهوجين لضيفه ساقها يادموعن كل ماجيت اكفكفها تسيح ** تنهمر من غيبة الشمس لين اشراقها يازمننا ليه مافيك واحد مستريح **زاد جورك والبشر مانويت اعتاقها ضاق في عيني فضا الكون لو انه فسيح **يوم نيات الغدر لاح لي براقها ول يالوقت الردي ول يالوقت الشحيح **ول ياوقتن ليا اعطى عهودن باقها حضي اللي كل ماسار له خطوه يطيح ** لامشا قدام رجليه جا من عاقها صرت من جور الليالي على البيدا طريح ** والقدم ماعاد للمشي يقوى ساقها ودي اقضي باقي العمر بالي مستريح **ومن جهنم نفسي الله يمنّ اعتاقها

سلامة قلب صاحب الجرح الجريح
,,,,,,,,,,,,, وروح المشاعر ياخوي وش شاقها ..؟
اصبر , وادري ان الصبر مرّ ٍ صحيح
,,,,,,,,,,,,, لعل بدروب الحلـــــم غيث ٍ ساقها
مــاصج الفضاء , صــوت حِرّ ٍ يصيح
,,,,,,,,,,,,, ولااروى الضامي ســراب يمّ ٍ حاقها

همس الغروب ...
ياهلا فيك وبحضورك ...
حيّاك الله ..