علمونـي وش اسمّـي مـن تـرك حبـه وراح ... وعلموني وش اسمّـي إلـي قلبـه (مستبيـح)
ما اقـول إن المفـارق حالتـه حـال إرتيـاح ... وما اسمّي مـن يعانـي بعدهـم (بالمستريـح)
ما سمعنا عن وِليدٍ رضعته جُرعـت (صيـاح) ... وما سمعنا عن وِليدٍ طول عمره مـا (يصيـح)
لو عشق فالليل عاشق عشقهـم يصبـح صبـاح ... ولو يعشق الصبح عاشق عشقهم مالـه صبيـح
كن حياتـي مـن بعدهـا غلّفوهـا (فالوشـاح) ... وعلقونـي فـي حبـالٍ مـن ترايبهـا تزيـح
لو آكابر يـا حبيبـي مـا آكابـر (فالجـراح) ... طول عمري في (سكوتي) مو على شكلي صريح
شف حياتي يا حبيبي نغمهـا صـوت (النـواح) ... وشف حياتك يا وليفي مـا يصـح إلا الصحيـح
لو بقارن في وجودك عـن وجـودي فالقـراح ... كان ما يمسي (المهلهل) ليلتـه عنـد الضريـح
مو نهاية دنيتي لا غبتـي عـن هـب الريـاح ... والجبل يبقى جبل مـا يزعزعـه هبـات ريـح
دام حظي فـي حياتـك جرّبـه حظـك وطـاح ... يمكن إن الحظ مع غيري ما فكـر (فالمطيـح)
الكرامـه فالرجـل اعلـى مقاييـس الـسـلاح ... من جرحها في مرضها آعلنت وقـت (النطيـح)
يا (عزائي) في غرامـي إنتهـى حـد النجـاح ... وإبتـدا (ميّتـم) هيامـي فـي لياليهـا يصيـح
لا تحاول في رجوعك ضربتـك مثـل الرمـاح ... علّمت في صدري إلـي غبنتـه مثـل الطريـح
يا مصارع (هاجسـي) بيـن التشـدد والسمـاح ... يمكن (ارجع) يمكن (ابقى) والاجابه مـا تُريـح
علمونـي وش اسمّـي مـن تـرك حبـه وراح ... وعلموني وش اسمّي حالتي يـا آهـل الفصيـح