شفت كني بالمرايا
وجه باقي فيه منّي !
وجه أول ما لمحني !
قام يهذي :
وينك أنتي ..
وين كنتي ..
ليه صرتي غير عنّك ..!
ليه صرتي منتي بـ أنتي !
ليه من بدري كبرتي ؟
ليه آيل ،،
للأسى كحلك وسآيل
ليه حتى الإبتسآمه
مابها حس وعلامه !
( ابتسآمه )
وينك أنتي
وين كنتي ؟
مين شوّه ساعدينك ؟
وشو هذي ؟
ذي يدينك ؟؟
ما - وربي - تشبهينك !
،،
أنتي ،، أنتي ؟
انتبهتي لك ؟
فطنتي ؟
كيف هذا الحال يسرق ..
من تفاصيلك بعضها
انتبهتي ؟
كيف صمتك صار يحكي
والكلآم العذب ،، يغرق !
وينك أنتي
وين كنتي ؟
حتى عينك
ما هي عينك
ما هي ذيك اللي
( خلاصة )
زين زينك !
هذي عينك ؟
وأنتي .. أنتي ؟
ما - وربي - تشبهينك !
وينك أنتي
وين كنتي ؟
..
تسأليني ؟
م أدري عنّي
وين كنت
ووين صرت
زنت ،، شنت
انطفيت ..
أو حتى بنت ..
مـ آآآدري عنّي !