مساء الخير
يوه احس اني من زمان عن بيتي
اليوم الصبآح كان الجو مره حلو
وعلى البركه امس امطار الريآض
مع اني ماشفتها كنت نايمه بس شميت ريحتها ^_^
بحكي لكم موقف صار
خيتو تقول ابي ارووح اتقضى ثلاجتي فاضيه
هي تلمح وتناظر ابوي
وابوي مسوي انو ماسمعها ويكمل اكل
تناظرني وتقول ملاك انتي ثلاجتك وش فيها
اناظرها واقول تغدي بعدين نسولف هي عصبت ^_^
ماتحب احد يسفهها
ولمن خلصنا قالت لأبوي مافي نوم قوم خلينا نروح
مشكله اخر العنقود يصير مره دلووع
طلعنا لسوبر ماركت لأنو في اغراض كثيره ناقصه
وكعداتها اخذت العربه وتمشي قدامنا
وكل شوي تحط شي ونقول لها ليش تقول مره مهم
البزآرين ماينعطون وجه
اخر شي لمن وصلنا الكآشير نحاسب
ابوي قال يمزح يوووه نسيت فلوسي كيف خلاص
بنخليها ونطلع ونجي وقت ثاني
وش سوت قالت بابا لاتلعب علي اذا مافيه فلوس في بطاقه
وتناظر الي بالكاشير وتقوله عندكم الجاهز الي يطلعون منه فلوس بالبطاقه صح
صاحب الكاشير غفل ضحك عليها وقال لأبوي ماينلعب عليها
الله يحفظها يارب دايم تسوي لنا اكشن بالبيت
وش بعد ترآ انا ابي اغير جوي وبسولف
والبيت بيتي يعني حره مو مقيده ^_^
مـ الشوق ـلاك