[مستورالحارثي]

أنا خضت بحر الشوق واصبحت به سبـــاح
واثــار ان بـحــر الـشــوق يـغــدر بسـبـاحـه

لقيت ان بحر الشـوق مـوج وعنـا واشبـــاح
تلاطـم بــي امـواجـه وتفجعـنـي اشبـاحــــه

وكم شمّتوا فينـي العـدا ليـن صبـري بـــــاح
ولـكـن صــدري ســر الاحـبـاب مــا بـاحــه

والا ياحبيـبـي عقبـكـم كـيـف انــا بـرتــــاح
وانـا فـي غيابـك كـيـف تهنـانـي الـراحـــــه

حياتـي بدونـك سجـن قفـلـه بــلا مفـتــــــاح
وقـلـبـي مـعــك يــازيــن قـفـلــه ومـفـتـاحـه

وكوني غدا عقبـك ظـلام(ن) بـلا مصبـــــاح
بعـد كنـت فـي كونـي سراجـه ومصبـاحــــــه

تذكـرت طلعـة وجهـك المشـرق الـوضـــــاح
كما الشمس طلعتهـا علـى الكـون وضاحـــــه

وصـدر(ن) كمـا بستـان فيـه الـزهـر فــــواح
وسحـر(ن) ونحـر براقـي الطـيـب فـواحــــه

ويـامــا تـلاقـيـنـا وطــابــت لــنــا الافــــراح
وقلـبـي بـعَـد فـرقـاك خـالـي مــن افـراحــــه

ترفّق بقلب(ن) من سبايـب فراقـك طــــــاح
ومـــن قبـلـكـم مـاحــي هـــزه ولا طــاحــــه

ترفّق بقلب(ن) به من الهجر طعن ارمــــاح
ترفّـق بقلـب اصويحبـك وانــزع ارمـاحـــه

إذا كـان يرضيـكـي عـذابـي فـانـا مـرتــــاح
وامـوت بْعذابـي فيـك مـا دمــت مرتـاحـــه

مستور محمد الحارثي