ياغالية جيتك من الشـوق ولهـان
مااطيق اشوفك ياحياتـي حزينـة
من يعترف مسموح ولو كان غلطان
وشلون لو صرتي تساويـن عينـه
لو نختلف نبقـى حبايـب وخـلان
انا رهين الشـوق وانـتِ رهينـه
دنياي ماتسوى وخاطـرك زعـلان
لا ينشغـل قلبـك ولا تجرحيـنـه
ياغالية قدرك على الـراس ماهـان
ولاعاش منهـو ياحياتـي يهينـه
ياغالية بفرح ولـو كلـي احـزان
ومن شان عين يقال تكـرم مدينـة
انتي وانا روحين في داخل انسـان
انا يسـار القلـب وانتـي يمينـه