(اخر الحب) لطلال الرشيد
كنت احسب انى عرفت الحب قبل اعرفك
وعشقت قبل اعشقك واشتقت قبل التقيك
وكنت احسب انى لقيت احباب قبل اوصلك
واثرى توهمت فى غيرك وانا كنت ابيك
تعال نعطش وتشربنى وانا اشربك
تعال قبل الوعد اجلس معى ونحتريك
تعال شفنى وانا استناك كم اشبهك
يطرى على الف راى وراى واحتار فيك
اجى مكان الوعد والااسبقه انطرك
والااخذ الموعد اللى يحتريك واجيك
يااخر الحب ذقت الحب فى اولك
ويااول الشوق اقصى الشوق ماينتهيك
علمينى كيف اعرفك لين صرت اجهلك
ضيعتنى فى متاهاتك وكنت ارتجيك
حبيب الاحلام يابعدك ويامقربك
حرام يكفى تبعثرنى وانا احتويك
انا شفتك بحلم صدقته وانا اتوهمك
وانا شفتك بعلم كذبته الين انتشيك
اخاف اغمض عيونى وان رمشت افقدك
واخاف افتح وتصبح حلم ولاالتقيك