غلاك بدلـة الذكرى بهار وهاجسي فنجال
تقهواهـ الجروح اللي بها ذكراك تنصاني
:
لوّ إن عندي مثل ماعند الوليد بـن طـلال
شريت برج الفيصليه لجل اغيـظ المملكـه
ماهو على شان الجنيه ولا على شان الريال
لكن على بالي طرى شـيٍ تمنيـت أدركـه
غروٍ غريرٍ غرّره زينـه ومطغيـه الـدلال
لاشاف له شيٍ يبيه فظرف لحظـه يملكـه
اللي سواته وبسهوله يملك قلوب الرجـال
اليا لمح له درب في قلب الرياجيـل سلكـه
هذا وأنا ماشفت منه إلا التمنّـع بالوصـال
كفي من الحسرات لامني تذكـرت افركـه
يحبني وأدري بحبه ميـر ماجالـي مجـال
أجلس معه جلسه وهذا الوقت ما فيه بركـه
يطري علي مع السهر وأخذ ثلاث/أربع ليال
تقول كن العين ظبي وحضرة الليل شركـه
صوته ليا جاني ظما يسقيني الميّ الـزلال
وساعة غيابه تدخل عيوني ونومي معركـه