حياءها وبراءتها وكيف انه طول عمره ماقدر يجمعه معها موقف تنهد على حال الدنيا وعلى حاله
ورفع عينه وبغيرة مسلم تفجرت بداخله وهو يشوف ملامسه الهندي اصابعدلال وهي تاخذ كوب الذره
اسرع فهد بمشيته ..وحجبت الغيوم الشمس عن الدنيا .. وزاد هيجان الموج.. وقوة نظرات المتابعين لمشهد ..وقف وطالع فيها وبكل وحشيه صرخت يديه بكف طبع على خد دلال.. وكان الاولى منه يطبع على خد سارهبقت واقفه ويدها على خدها حاولت انها تعمي عينها ولا تشوف اليد اليامتدت لها وهزها صوته .." اظن هالكف ماهو رحمه بحالك رحمه بحال الهندي الي ضائع بينكم.."
رفعت عينها وشافته نفس الشخص الي هزها من الاعماق ليله وصولهم
طالعت بشده جحوظ عيونه وانتبهت ليد الي سحبتها والتفت على ساره وهي تتوسل لها انها تترك هالمكان بسرعه
=============***============
بالرياض ..وبعد وصول ماجد باهله سالمين .. ابو ماجد وزوجته دخلوابيتهم بعد ماتحجت زوجته بالإرهاق والتعب وحنين وماجد فضلوا السهر وسماع اخر الاخبار والمستجدات ومايطرا على الساحه من اخبار..وبمجلس الرجال تحديدا ..جالسه وهي حاطه الظرف وراء ظهرها وبارتباك
وخوف وحاولت ما تتردد على الي عزمته وفي الأخير سمت بالله وتوكلت
عليها ورجت ربها بسرها ان ماجد ما يخيبها
حنين وتمد الظرف .. "ماجد الله يسعدك..لا تسالني ليش سويت كذا بس اليابيه منك انك تقبل هالضرف بلا نقاش .."
ماجد وكشر وجهه وطالع بالظرف.. "حنين وش هذا"
حنين نزلت عيونها بالأرض وبتردد ..مكافاتي ماكنت العب فها .. ورفعتهاعشان اساعدك بتجميع المهر لخالد .."
ماجد بغضب مكبوت ويتماك نفسه .. "وكـم هـي"
حنين وحست بنبرت صوته القويه .."امممم عشرة الالف"
ماجد ويتنهد بضيق .." وكم مهرك"
حنين بخجل .."مائه وخمسين الف"
ماجد وبصوت حاد .."اجل خذي فلوسك وانا قريب اطلع قرض من البنك واسلم خالد فلوسه والموضوع راح ينتهي على طول.."
حنين بشعور داخلي تتجاهله.. "يعني ماراح اكون معلقه وافتك من خالد"
ماجد وحز بقلبه حال اخته .. "ايه واذا ماتبي ولد الناس ليه تروحي معاهم .. اظن ماهي زينه بحقنا نرفضهم وبعدين نقبل عزيمتهم وكمان نستعرض عندهم ..ويكون بعلمك بس هالترم راح تدرسي هنا وبعدها اسحبي ملفك وراح ترجعي معاي الشمال فاهمه .."
حنين وحست بالإحراج من كلام ماجد لها .. ومع هذا عرفت انها اخطت
والمفروض تقطع العلاقه نهائيا بينهم وابتسمت رغم الألم الي اجتاحها .."
ابشر يا ماجد وان شاء الله من هاليوم راح اسوي الي يرضيك "
وقامت بكل كبرياء زائفه ..وبكل ثقة متزعزعة.. وطلعت من المجلس
ام هو شيعها بنظرات بعدما حاول يرسم البسمه على وجهه ..ويتظاهربالرضا على حالها ..وتذكر ولد عمته الي مواعد قبل اكثر من ساعه كان واقف وهو يسمعها بكل جوارحه.. سمعها وهي تعرض مساعدتها لماجد لخلاص من خالد ..يسمعها ومع كل كلمه قلبه يضرب ويصرخ وكأنه بيخرج لخارج ويحتوي قلب حنين
اول مره يعرف فهد ان حنين وخطيبها على خلاف وانه ماهو راضي انهيطلقها غير تدفع له المهر انتابه شعور غريب وإحسايس جديده حاول يدفنها بس هالمره تفجرت بداخله وابت الا العصيان والتمرد اخذ جواله واعطى ماجد نغمه انه برا ..
=============***============
اشـهـد ان لااله الا الله واشـهد ان مـحمد رسـول الله
واشـهد ان عيـسى رسول الله وكلمـته القـاها الى مريم وروح منه
بهذي الكلمات التى تثقل ما بين السموات والأرض ..وبالعربية المتكسرة
رفعت ريتا إصبعها السبابة بكل شموخ لتعلن لعالم حياة جديده لمسلم وليعلم اعداء ان دين الله قائم ولو كره الكافرون
تقدمت من بين الحاضرين وصعدت على المسرح بعدما كفكفت دموعها
رحمه وتمسح دمعتها وتضم ريتا .." الله يشرح صدرك ويثبتك ياريتا"
ريتا بدموع وهي تشوف الجو الاخوي والرباني وهي ترقب الجموع الي يكبروا وفرحوا لهاوجاين لسلام عليها .. وتضغط على يد رحمه "ماما ليشالدموع انا اليوم فيه مسلم وما في خوف علي من نار..انا ربي يحبي وعشان كذا دلني على الحق .."
بادلتها رحمه الابتسامه وصرحت بعيد عن الحاضرين ..اول مره يتحقق حلم لرحمه اول مره تحس ان احلامها ظهرت على الواقع ولا انتحرت تمنت وانها هالمره صبرت وثابرت .دعت ربها انه يعوضها
ويحقق كل احلامها..وابتسمت على وراء وهي تلمح ريتا تسلم على جمع غفير من الداعيات والحضور
=============***============
يوم الجمعة ..الجو حار ومحمل برياح السموم .. والسماء تلونت بحمرة الغبار والأرض قد كست بذرات الرمل المتناثرة على الرصيف ..
نزل من السيارة ..ووضع سبابة اليمنى في زاوية عينة يزيل اثر الغبار ..فتح باب الفلة بهدوء وصدم بخالد الطالع ...اسامه وهو يسعل من الغبار.."على وين طالع "
خالد بملل .."طفشان قلت اشم هواء "
اسامه وسكر الباب وراه .." لا تطلع الجو غبار وكتمه مافي مجال لشم الهواء "
خالد بكسل.."يعني اضطر ارجع انام"
اسامه .."لا اجلس معي زمان عن سوالفك "
رمى خالد نفسه على الكنب بثقل وباستفسار مفاجئ وجهه لـ اسامه "قابلت فهد اليوم "
اسامه باستغراب واضح .." لا ..ليش .."
خالد وتنفس بعمق .."بس مجرد سؤال ..وسكت فتره ..مدري احس زيارة
ماجد وراها شيء .."
اسامه .."ايش تقصد وضح ماني فاهم "
خالد .."وانا بذاتي ماني فاهم ..بس قلت اكيد ماجد مايخبي شيء عن فهد وفهد بدوره اكيد يخبرك ..
اسامه واستوعب الموضوع .."طيب ولو حطك ماجد بالامر الواقع ايش راح تسوي.."
خالد بثقه .."لا مااظن ماجد يقدر يدبر المبلغ بروحه وحتى لو اعطوني المبلغ مستحيل اطلق حنين.."
اسامه .."واذا انت رايدها بالكثر ليش السوالف الطويله ريح راسك وحاولتقنعها تتزوجوا ..ولا تنسى ان ماجد يقدر يرفع عليك دعوة ويطلب طلاق حنين بالحكمة.."
خالد وانقلبت ملامح وجهه وقطب جبينه وبضيق ..فكنا ماهالموضوع وقول وش سويت بموضوع فيصل وريم.."
اسامه ويتمدد على الكنب .." مافي جديد ..كنت عندهم الظهر وما قابلت الريم كانت نايمه وماحبيت اصحيها وازعجها.."
خالد .."بس على حد علمي انها رافضه "
اسامه تلقائيا .." رفضها كردة فعل وهي ماراح تلقى احسن من فيصل وان اصرت على رفضها شديت عليها عشان تلين وان شاء الله ترضى "
خالد بدهشه.."يعني راح تغصبها"
اسامه .."لا ماراح اغصبها بس بشد عليها واحاول اقنعها ..وتذكر زيارة يوم الخميس وحس بقلبه ينزف بداخل وما هو قادر يسعفه الا بالنسيان .." خلينا نفرح ونغير من روتين حياتنا شوي "
خالد ولمحة بعقلة فكرة سريعة وعدل بجلسته ..وش رايك نزورانا وياك ماجد
اسامه باسغراب وحيرة .."والمناسبه .."
خالد .."بدون مناسبه او قول نجس النبض"
اسامه وهو طالع لغرفته..." اجل بعد العشاء تكون جاهز"
=============***============
دخلت البيت والسعادة غمرتها والفرحة ما هي واسعتها ..نزعت عبايتها
وقفت على باب المدخل تعدل من لثمتها...انتبهت لرنات الجوال المتواصله ورفعت بعد ماخذت نفس جديد وارتسمت على شفائفها ابتسامة قناعة على حياتها الجديدة
رحمه بصوت منخفض .." هلا والله "
وليد .. "اهلين ..كيف النفسية ..اشوف الضحكة واصله لحدي"
رحمه وتنهد براحه .." اول مره اتمنى شيء ويتحقق لي وبدون الم ."
وليد وحس بمعاناتها .." انشاء دوم تفرحي وتحقق كل احلامك "
رحمه .."ان شاء الله والله كريم ومايضيع حد"
وليد.. وماعرف كيف يبدا بالموضوع وبتلعثم .." امممم ابي اسالك اسامه
ايش فيه كذا .. احسه يكرهني ويتضايق لما يشوفني ويقول كلام ماني فاهمه
ولما ينذكر اسمك احسه يتغير وملامح وجهه تنقلب .."
ارتبكت رحمه وطالعت بالصاله تشوف فيه احد " ..مدري عن خيبته ليشهو قالك شيء ..او شفت منه تصرف غريب .."
وليد بغيض منها .."بس مجرد سؤال"
رحمه .."اجل اخليك الحين دوبي داخله البيت واخاف حنين تسمعني
وليد.. "تقصدي خطيبة خالد "
رحمه ..ايه بس اظنها كلمة خطيبة خالد قديمه .."
وليد باستفسار.." ليش"
رحمه لان خالد قريب بطلقها... اخوها ماجد جاي عشان يدفع لخالد كل فلوسه ويطلقها
وليد وتذكر خالد وحبه العميق لحنين وبتهرب .." اجل مع السلامه اخاف حنين تسمعك الحين.."
=============***============
وقف بسيارته الحوت المظلله من كل الجهات وهو يحاول يطمس هويه من بداخلها ..ونزل الى الصيدلية بعد ماتاكد انها خاليه من أي زبون وبعد فتره رجعه وهو يلتفت يمين وشمال فتح باب السياره ورمى الحبوب عليها
وبلهجه امره .." خذي كل يوم حبه واتبعي الجدول واضبطي جوالك تنبيه على موعدها
فرح وتقلب بالحبوب .." ايش هذي "
سعود ويشغل السياره .. "ماله داعي اخبرك وعلى مااظن احنا على اتفاقنا "
فرح بإحراج .."بس الحبوب مضره وكمان امي ماتنصحني فيها "
سعود ويخفف من لهجة الحاده وبحنيه .."فرح حبيبتي احنا على اعيش اتفقنا
والعمر قدامنا ولا حقين على الأطفال وخلينا نستمتع بحياتنا شوي .."
هزت فرح راسها وهي شبه مقتنعه واخذت الحبوب ودخلتها شنطتها وطالعت بالمستقبل قدامها
=============***============
قفلت السماعة.. ومسحت دموعها بطرف شيلتها ..واخذت الجوال واتصلت على ولدها الثاني يمكن انه يحن عليها ويرد على اتصالتها
نزلت داليا من فوق وشافت امها بوجها الشاحب وعيونها الحمرا وبوجل "يمه وش فيك صاير شيء "
ام نواف بغصه وعبره مولمه " ..ابوك توه مكلمني يقول اخوك فارس موقف بدار الملاحظة وهو الحين عنده ويحاول يكلم المدير يطلعوه "
داليا وتجلس على الكنب .." طيب بما انك عارف انه بيطلع ليش هالدموع ترا مااحد ينفعك وصحتك اولى ان تنتبهي لها .."
ام نواف .. "ياليت هذا الي متعبني كان زين انها وقفت على فارس" ..وغلبتها العبره ومسحت دمعتها وحاولت توضح صوتها.." دلال اختك من يوم ماروحنا من البحر وهي قافله على نفسها ولا اتكلم احد..واخوك نواف كل مااتصل عليه مايرد وماادري وش صاير له.."
داليا وتجلس جنبها .." يمه الله يهديك دلال ومافيها الا العافيه بس دلع بنات ونواف طول عمره وهو عابث ومايفكر الا بنفسه وماعليك تلاقيه الحين بين صحابه مبسوط ومستأنس وانت حارقه عمرك عليه.."
ام نواف .." طيب وليش مايكلمني ويسأل عن امها ماهو حرام الي يسويه في"
داليا وتتنهد بطولة بال.." خلاص يمه عاد كذا ربي خلقه وان شاء الله بكره
يرجع وهو مافي شيء واذكرك ساعتها
ام نواف.." الله يسمع منك"
ورفعت يدها لسماء .."يارب انك تصلح ذريتي وتهديهم "
=============***============
على سفرة الاكل وقت العشاء
حنين وتمد الصحن وبلهجة امره .."حطي لي من الصحن الي عندك..
اخاف تخلصيه ومايبقى لي شيء أتذوقه.."
رحمه وتمد لها الصحن بكبره .." خذيه اصلا انا مااكل منه "
ام راشد وتقوم .."حشا بإزارين جالسه معهم ..متى تكبروا تعقلوا "
رحمه .."هااا يرضيك امي قامت والسبه كله انت "
حنين بشهقه .." الحين انا الي زعلت جدتي ولا انت الي هالاسبوع ماانت فاضيه لها .."
رحمه بنظرات متشككة .."وش تقصدي"
حنين .."ماتلاحظي يارحمه انك تغيرتي وصارت طلعاتك كثيره وكل دقيقه تسألي عن وليد وماعندك سالفه غيره .."
رحمه وغاصت بالاكل واخذت كوب مويا وحاولت تتهرب من حنين "هاااا..لا ..ومين قالك ان طلعاتي كثيره..ووليد وش دخله بالموضوع "
حنين بنص عين .."شوفي من الحين اقولك اذا انت ناويه تحبي وتكوني علاقات غراميه ..حبي اسامه ازين لك من هالوليد "
رحمه بضيق .."وش جاب اسامه بالموضوع "
حنين وتحاول تتصبر .." رحمه انت فاهمتني وبلاش الاستعباط "
رحمه وتغير الموضوع وتحاول تشغل حنين .."اجل نذاله فيك كان عندي موضوع يفرحك بس والله ماعلمك لو الارض تنشق وتبلعك "
حنين بحيره .." وش هالموضوع "
رحمه .."قلت احلمي وتراه مايخصك بس يفرحك "
حنين بتفكير "..الله يخليك.." وشهقت بفرح .."لا تقولي ان رنيم حامل "
رحمه.." ايه وهذا انتي جبتيها ياشاطره..امك اتصلت وانت بالكليه خبرتني البشاره وصتني اني ابشرك وتقول العقبى يوم تفرح فيك.."
حنين بمشاعر اختلطت عليها .."الله يوفقها وتستاهل رنيم كل خير"
وخنقتها العبره وتنهدت بحسره على نفسها وعلى حال الدنيا وهي تلعب فيها
وقامت من السفره بعد مانسدت نفسها وطلعت غرفتها تتلهى بدروسها
=============***============
جالسه على مكتبه ورامي غترة وعقاله على الطاوله وضاغط على القلم بقوة يشخمط على الورقه
برموز وخطوط وكلامات مبهمه حاول انه يكتب على الورقه الي بقلبه ويتنزف كل المشاعر المتراكمه
بداخله كتب اسم رحمه و اسم وليد والمواقف الي جمعتهم مع بعض ونقش اسمه وحس انه ماله مكان
بينهم زفر بقوة من خشمه وقطع الورقه ورماه بالسلة القريبه منه ...تذكر عبد الكريم وقام من الكرسي وطلع يجدد من يومه الممل
قادته رجوله الى سريره .. وانتبه لصوت المنبعث من خلف الستاره سمع صوت انات ..وشهقات
مخنوقه رفع الستاره تلقائيا ..وطاحت عيونه بعيونها
قراءه ممتعه
نـــونــnoonaـــا
(: