العين عيت من جفى الزين تمسي
عافت لذيذ النوم مما جرالي
...
مكحولة الاعيان بالله حسي
حسي بشوق من بكته الليالي
...
كم قلت يومي دايم يشابهـ امسي
وكم صحت بأعلى الصوت ياشين حالي
...
مدري متى على شواطيك برسي
بلكي تهب الريح ويصفى مجالي
...
ابنشدك يابنت وشلون تقسي
روفي بحالي يابعد كل غالي
...
شداد بن محمد
النديم
ــــــــــــــــــــــــــ
الجو هادي
الجو هادي والزوايا كئيــــــــــبه
...................والبيت مظلم فاقـــــدٍ له غوالي
الوقت هذا يالله انك حسيــبه
...................ياكـــم فرق بين غالي وغـــــالي
انا اشهد ان فرقا الحبايب مصيبه
..................لا غابو الاحباب ماني بســــالي
يازين وينك شف جروحي عطيبه
..................كل الملا تدري وش اللي جرالي
ياوقت تكفى انك تعجــــــل تجيـــــــــبه
.................الهم اصبح لي رفيــــــق موالـــي
الذيب يقنب مهتني في قنيــــــــبه
................وانا جليس الهم اقنب لحـالـــــــي
الجــــو هاديوالزوايا كئيــــــــبه
.................والبيت مظلم فاقـــــــدٍ له غوالي
شداد بن محمد
ياعالمي يكفي قسى يكفي جفى ذيك السنيـن
ابكي على وقت مضى وابكي على شيٍ وفات
***
ليت اليالي ليتها تدري عن القلب الحزيــــــــن
يا ليتها تروي قلوب في المحبة ضاميـــــــات
***
انا الوحيد بعالمي وانا الذي مثل السجيـــــن
وانا الوحيد اللي يعاني من طعون اللايعــــات
***
ياصاحبي بشكي همومي واطلعك خافي الكنين
والله يجيرك من تصاريف الليال الجايـــــرات
***
اجر صوت الشوق فيني لا سمعت الا ونين
ذاك الونين اللي يعكر مرقدي وقت السبـــات
***
والليل كله اسهره مدري متى جوي يزين
عسى الليالي تبتسم لي في السنين المقبـــلات
***
في غربتي جاني خبر كنه مثل طعنة طعين
ولادريت الا ونا ودموع عيني سايـــــــلات
***
لا ياهلي والعلم اكيدٍ ؟ لا تكونوا مازحيــن
قالوا توفى واستحث السير من قبل الفوات
***
وقلت هذا كيف صار اعطوني العلم المبين
قالوا توفى والمبات بمرقده صار المبــــات
***
وجيتهم وقت الضحى والناس رقدا صايمين
والحزن فيني محتمي بين الضلوع الناحلات
***
من يوم شفت البيت مظلم من يسار ومن يمين
واليا العذارا منطوينٍ في الزوايا باكيــــات
***
انا اشهد ان الموت حق وكلنا له طايعين
وانا اشهد ان الله غفور وعالم للغايبات
***
هذا اخوي اللي توفى راعي العقل الرزين
حافظ مواجيبٍ وراعي للعلوم الطيبات
***
ياليتني ميت بدله ولاجلست اشكي الحنين
الله يقدرني على الصبر وعلى قو الثبات
***
هذا النمر اسمه نمر وافعاله العليا تبين
يطلق حجاجه للزمن وقت الليال الجارحات
***
يا الله طلبتك ترحمه وأنت خير الراحمين
تغفر له الزله وتغفر له جميع المعصيات
شداد بن محمد
النديم
صديقي لو تجنبنا غثاها
هي الدنيا بلانا من بلاها
عشنا في زمان الظلم والكيد
نعادي بعضنا منهو لقاها
في قلبي هم بشكي لك وابين
عساها ترأف بحالي عساها
ثمان اسنين تطردني عجوزن
ريح الخبث يظهر من حشاها
تجيني في منامي تبتسم لي
واضيع بغبتن وامشي وراها
نزلنا بوادي مافيه مخلوق
شجر موحش يترجى رضاها
تلوع الكبد من نظرة عيونه
تلوع الروح من لمسة يداها
لكني منجبر امشي وخايف
اخاف العمر يمضي في لقاها
ثمان اسنين تنسيني رقادي
ثمان سنين ضاعت في عناها
صديقي لو تشوف اللي اشوفه
تعيف العمر تعيف اللي هواها
رحت الشيخ ابفزع به ياعله
يرد الروح كما سابق حلاها
تبلم وانخرس ضاعت علومه
طردني قال وش اللي حداها
شفت الوضع من بعده تدهور
شفت الذل لفاني مالفاها
وانا صابر على صبري ابصبر
عطانا الله اجرن ماعطاها
صديقي لو ابحكي لك وافصل
صديقي لو بوصف لك مداها
يشيب الراس من قبل المشيبي
يضيع العقل من وصفة حكاها
صديقي انتبه تفعل سواتي
ترى الدنيا غدرها من هواها
شداد بن محمد الهاجري
النديم