في دربكم ياراحلين منا كيـــــــــــــــف
تالي ليالي القيظ وأول خريفـــــــــــــه
ردو سلام أهل القلوب الموالــــــــــيف
على الوليف اللي نشد عن وليـــــــفه
ردوه لعذوق النخيل المــــــــــــــهانيف
وعلى القصور اللي بوادي حنيفـــــــــه
دار لها بالقلب عشق وتـــــــــــــكاليف
ياعل عينٍ ماهوتها كفـــــــــــــــــــيفه
طبنا وشبنا وأتعبتنا الــــــــــــمشاريف
والمرقب العالي هبوبه عنيــــــــــــــفه
ياواردين العد كفوا المفـــــــــــــــــاريف
اللي بقى دمعٍ هماج ذريفــــــــــــــــه
والله لو دمي يغيث الملاهــــــــــــــيف
قطعت عرقي لين يصفى نـــــــــــزيفه
ياحظ من لاعرف منهو و لا شيـــــــــف
إن طاب يحمد وأن تردي بكــــــــــــيفه
وحنا ورثنا عظم وغـــــــــــــــــــــضاريف
لا ماورثنا العز تاج وقطيفــــــــــــــــــــــه
قصيده مختاره لكم للشاعر الأمير بد بن عبدالمحسن ))