السلام عليكم ورحمة الله
اسعد الله مساءكم بكل خير ان شاء الله
اخباركم ان شاء الله انكم اكوس ناس
انا صار لي موقف مرة بالدوام
والمشكلة كنت ما ابطيت متوظف
انا السراحة مزوح واحب المزح خصوصا بالدوام عشان اغير الروتين اليومي
كان يا ماكان في قبل فترة من الزمان
كنت احب اروع الشباب بالدوام . اي واحد يمر قدامي وهو ساهي على طول ياخذ له حبة تروعيه سفري معه
ومرة روعة واحد من الشباب مشرف العلاقات العامة عندنا
وما شاء الله عليه الولد ثقيل قالي على مييييين
قلت يجيلك يوم
وبعدها يمكن بيومين دخلت مكتبه على زعقة مدري وش تبي والله ونفس الحكاية ما شاء الله ما هزه ريح
وبعدها بكم من يوم جيت مستعجل وبدخل مكتب مديري والاقي خويي جالس عند مديري ومعطيني ضهره وجالس يسولف مع مديري
انا قلت هذي فرصتك يا فهد
مديرك وتمون عليه
وعلى ما قال المثل هي خاربة خاربة
قلت خلني اصيد طيرين بحجر مديري ومشرف العلاقات
والله واجيك امشي الطبلون ومشغل العالي
واصقع الباب بقوة واصرخ باقوى ما عندي وقسم بالله
واااااااااه
والله العظيم انه من قوة الروعة انه نقز وطاح عقاله
بس المشكلة
ما صار خويي مشرف العلاقات
صار مدير شئون الموظفين في مكتب قيادة قوات الدفاع الجوي
وقسم بالله
انا تغير وجهيي
واجيك واحب راسه اسف اسف يا ابو عبد العزيز
وامسك الباب ورررررررررر ع البيت
ودق على مديري قلت والله ما ارجع ما عاد لي وجه
هههههههههههه
التوبة ما اعاد اروع كذا مرة ثانية
والله يجيركم من الشر