انا هلالي بالهوى ، والمشاعر
لكن ترا مانيب شاعر هلالي
شاعر بكل الناس والكل شاعر
باحساسي الصادق وشطحة خيالي
اهيم في الوديان وارحل واسافر
مع كثرة الشعّـار كنّي لحالي
احيان اشوف الحُب مُشرك ، وكافر
واحيان اقول الحُب هو راس مالي
لكن اذا حبيت ماقدر اكابر
كتمان هذا الحب فوق احتمالي
واللي يعد الصدق ماهوب خاسر
قد قلتها واقولها اول وتالي
احب نادي القرن واحب ياسر
واحب كل انسان دمّـه هلالي
..
فهد المساعد