ياكثرهم لا قلت لك عرفت أوجيه
. . . . . وياقلهم لاقلت لك قـدر ومعـزه
رجلٍ تعزه بعـد ماتلتقـي فيـه
. . . . . ورجلٍ قبل ما تلتقي بـه تعـزه
ورجلٍ ترزه بالمجالـس مباديـه
. . . . .ورجل فلوسه بالمجالـس تـرزه
ورجلٍ ضعيف ويستفزه معاديـه
. . . . .ورجل كلام عداه مـا يستفـزه
ورجلٍ يهزه بعض موقف ويشقيه
. . . . .ورجلٍ ماهو بأيات موقف يهـزه
ورجلٍ تلزه يعترف لك بخافيـه
. . . . .ورجلٍ على خافيه محـدٍ يلـزه
ورجلٍ يوزونه ويزعل بنيخيـه
. . . . .ورجلٍ يزعل من يحاول يـوزه
ورجلٍ تكزه لازم انك توصيـه
. . . . .ورجلٍ بليا مـا توصيـه كـزه
من لا فرش المرجله ما تغطيـه
. . . . .ومن لا يخز الناس محدٍ يخـزه
ان كانها عرفه فهي عرفت اوجيه
. . . . .من قالك بالقلـب قـدر ومعـزه