كل مانسيتكْ..
ذِكَرْكْ الخاطر المكسورْ
ياسُخفْ عذري...
وياحظّ أضلعي بـ ويلكْ
جرِّب تنامي ..
بيديكِ... ولا معاكِ غرورْ
عشاني.. جرِّب ثواني
وشفْ شسوِّي لكْ :
بأهديك
باب.. ودُعا / خفَّاقْ / شِعْرْ / طيورْ
يمكنّك شوي
تدري شكثر حبِّي لكْ !
والبارحة
ما هَجَدْتْ ولا حَوَتْني الدُّورْ
ماغير أشتِّمْ غيابك
وأرجَعْ أشكي
لكْ !
بلحالي . .
كِنِّي الفقير
وكِنّ زَعَلْكْ السُّورْ
كل مابغيت أشحذك.. هجَّتْ
محاصيلَكْ !
بشويش قل لي:
شَسَوِّيْ.. وأجْمَعَ المنثُورْ
بس إنت آمر.. وأنا بهبالي...
كلِّيْ لكْ !
ودِّي أكونِكْ..
وإنت تكونني.. وبالدّورْ :
أنا أحضنَكْبُنّ.. وإنت تضُمِّني
هيلكْ !
ماهو بوقت لـ تغلِّي...
سيِّدي المَمْطُورْ
بالحُسنْ / .. وأمَّ المسافة تنتخي
بـ خيلكْ !
العُمرْ: دفترْ...
وأيام الوصال سطورْ
يا دفتر العُمرْ... لا تحرمني
سطري لكْ !
ثلاثة شهور ...
والوحدة بليَّا شعُورْ..
تهِدّ بي حلم... وأرجع كلِّي أبْنِي
لكْ !
لله قل لي:
إذا مَرّيتني بـ غرورْ :
من وين أجيب لعيوني دَمعْ.. وأبكي لكْ ؟!