بسم الله الرحمن الرحيم
عذراً لِتلك العيون اللتي ابكيتها
عذراً لذلك الصباح اللذي اطفأته
عذراً لتلك الطيور اللتي ادميتها
عذراً لها .. فأنا لا استحقها
.
.
.
.
اتمنى أن تعجبكم ..
يناديني صباحك واللقى ساكن بليد شعور
وشمعات الأمل في نظرت العينين مطفية
اشم الصبح في صوتك !! اشمك في انكسار النور
واشمك لين ماتقوى.. احاسيسي على الجية
ياهذا الصبح سمّع صاحبك .. ناي وصدى عصفور
ولــو ان اللحون اللي تغنيها... مزاجية
عشقت عيونك النجلا عشقتك ياشبية الحور
عشقتك ياجمل انسانة ...عشقتك ياخيالية
اشوف الورد بغيابك حزين وخاطرة مكسور
ينادي وين عاشقني !!!ينادي وين ساقية
اشوفك وقت ماكلن ذكر خله وهو مسرور
وانا اللي تارك خلي ورى الاوجاع منسية
يقولون الخطا وارد وانا ادري ماني بمعذور
ولو ان العذر دمعه ....ترى ماهي بمارية
تكفر عن عذابي لك ، وتهديك الدموع زهور
الا ياريحة الدنيا متى الدنيا تجي زية
ضلام الياس خيم في وجودي والامل معثور
سـواده من ورى حدب الضلوع يزود الكية
انا عقبك صديق اليأس والهوجاس والمذكور
ولكن ؟؟؟ليه انا يائس اذا الغلطات عفوية
تعالي لي ترى لك بالحشا بيت ٍ خلا مهجور
تعالي واسعدي قلب ٍخذاه الحزن ملكية
تعالي واغفري للي خطا واقفى بدون قصور
همومة كنها شمس الضحى ووصالك الفية
حبيبي وان تفارقنا ترى اللي بيننا مستور
وصفحات الالم في حضرة القلبين مطوية
بَحْرَ جِدّة